Tom Okker

Vun Wikipedia
Wesseln na: Navigatschoon, Söök
Tom Okker 1970

Tom Okker (* 22. Februar 1944 in Amsterdam; Ökelnaam The Flying Dutchman) is en ehmalger nedderlannsch Tennisspeler. Van 1964 bit 1968 wurr he fiev Mal nah’nanner nedderlannsch Amateur-Meester, dornah is he Profi wurrn.

1968 stunn he bi dat Tennisturnier vun Wimbledon in’t Veertelfinale un keem bi de US Open sogor bit in’t Endspeel, verlor dor aber tegen den US-Amerikaner Arthur Ashe.

Sien hööchste Platzeerung in de Tennis-Weltrangliste reck Okker 1969, as he achter de Australier Rod Laver un de Amerikaner Arthur Ashe up den darten Platz keem. Insgesamt weer he söben Johr in de Top Ten.

1978 keem he nochmal in dat Halffinale vun Wimbledon.

In sien Karriere wunn Okker all tosommen 22 Turniere in enkeld Speelen un 69 in Dübbelkonkurrenzen.

Okker is verheiraadt un hett dree Kinner.