Theodor Mahler

Theodor Mahler (* 1901 in Sebroke; † 1987) weer en düütschen Politiker von de NSDAP.

Mahler is 1901 in Sebroke as Söhn von en Buur boren. Von 1927 bet 1928 weer he Baas von de Oortsgrupp von de NSDAP in Leiffer un denn bet 1930 in Fallersläm. An’n 21. Mai 1931 is he von en Gericht in Lümborg to en Gefängnisstraaf von twee Maand veroordeelt worrn, vonwegen dat he gegen dat Republikschutzgesett verstoten harr as he den doden Butenminister Gustav Stresemann en prominenten Strohkopp un kahlköppten Verbreker nöömt harr. In dat Berufungsverfahren is de Straaf denn in en Bröök von 400 RM ännert worrn.

1933 is he Kreisbaas von de NSDAP in’n Kreis Horborg worrn un weer von’n 3. April 1933 bet to’n 31. März 1935 Börgermeester von Bookholt. Nadem Mahler ut Bookholt weggahn is, hebbt se dor den Platz vör’t Raadhuus (de hüdige Marktplatz) in Theodor-Mahler-Platz ümdööpt.

In’n April 1935 is he Landraad in’n Landkreis Wersermünn worrn, toeerst as Vertreder un denn von’n 2. November 1936 bet 1945 kumplett.