Theben (Ägypten)

Vun Wikipedia

Theben (ooltägypt'sch Weset, Uaset, Pe-Amun oder Nut; hieroglyph'sch Ape oder T'Ape; griech. Thebae oder Diospolis; in der Bibel No) weer de Hööftstadt vun dat ole Böverägypten. Dat Theben mit de hunnert Doren, wo Homer in dat 9. Book vun de Ilias vun schrifft, hett an den Nil legen un is de Middelpunkt vun dat Riek vun de Pharaonen ween. An'n Enne vun dat 19. Johrhunnert hett dat dor bloß noch en groot Ruinenfeld up den Nil siene beiden Sieten geven. Hüdigendags is in Theben-Oost en vun de Zentren vun den Tourismus in Ägypten. 1979 is Theben indragen wurrn in de List vun dat Weltkulturarv.

Historie[ännern | Bornkood ännern]

In dat Licht vun de Geschicht tritt Theben eerst to de Tied vun de 11. Dynastie (vun 2119 v. Chr. af an. Dormols is de Stadt ok al Hööftstadt wurrn. In de 12. Dynastrie is de Hööftstadt na Noorden leggt wurrn, man Pharao Sesostris I. hett den groten Amun-Tempel noch utboen laten. As de Assyriers unner Assurbanipal later na Ägypten tagen sünd, hefft se de Stadt un ehre Hilligdömer 652 v. Chr. in Dutt leggt. Dat Enne keem avers eerst 84 v. Chr.. Dormols hett de Stadt sik gegen den Pharao Ptolemaios IX. in'e Bost smeten un en Upstand maakt. He hett ehr dree Johre lang belagert un weer amenne so vergrellt, dat he keen Steen up'n annern laten hett. Nadem is de Stadt nich wedder hooch kamen. As Strabon dor later dörkamen is, hett he bloß noch en paar povere Wohnstäden funnen.

Weblenken[ännern | Bornkood ännern]