Terek

Vun Wikipedia
Wesseln na: Navigatschoon, Söök
De Böverloop vun de Stroom in Georgien

De Terek (georgisch თერგი/Tergi; ossetisch Терк/Terk; russisch Терек/Terek) is en Stroom an de Noordoostrand vun de Kaukasus.

De Terek entspringt ut en Gletscher an’ 5.037 Meter hooch Kasbek in’ Groot Kaukasus in’t nöördlich Georgien. He floot tonächst in nöördlich Richtung dör den Darielpass nah Russland rin. Achter de noordossetisch Hööftstadt Wladikawkas wendt he sück tegen Oosten, floot dör Tschetschenien un Dagestan. Dor deelt he sück in twee Arms, de in dat Kaspisch Meer münn. Bi Kisljar bildt he en sumpfiges Flussdelta, dat 100 Kilometer breet is.

Mit ruch weg 600 Kilometern Längd ist de Terek en vun de gröttste Strööms in’ Kaukasus. An sien Ünnerloop deent he to Bewässerung, an sien Böverloop to’n Bedriev vun Waterkraftwarken.

De russisch Footballvereen Terek Grosny is nah de Stroom nömmt wurrn, dat histoorsch Terekkosakenheer nah dat Intoogsrebeet vun de Stroom.