Star Trek: Phase Two

Vun Wikipedia
Wesseln na: Navigatschoon, Söök

Disambig.svg Dit Woort hett noch annere Bedüden: kiek dorför ünner Star Trek: Phase II.

Star Trek: Phase Two (op platt so veel as „Reis na de Steerns: Tweete Phaas“) schüll de Titel warrn vun en Feernsehreeg, de vun Paramount Pictures as direkten Nafolger vun de Original Star-Trek-Reeg plaant weer.

De Feernsehreeg schüll dat Kunzept vun Star Trek wedder opgriepen, wobi ok dat Ruumschipp, de USS Enterprise, as ok de Kru ut de eersten Reeg beholen warrn schülln. Aleen de populäre Figur Spock weer nich vörsehn, vunwegen dat de Schauspeler Leonard Nimoy sien Rull nich wedder in’t Feernsehn wieterspelen wull. Dat harr ok dormit to doon, dat he meen, at Paramount sien Figur Spock dör nich drägbore Warflizenzen in UNschick bringen de. To’n Bispeel weer Spock op en Plakaat vun Heineken wiest, op dat dat Beer en beleven Effekt op Spock sien Ohren hett, de toeerst slapp rünnerhingt[1][2][3]. Annere Borns seegt, dat Nimoy nich wedder Spock in en Reeg sehn wuull, de jede Week löpt[4].

An sien Steed weer en annern Vulkanier vörsehn mit den Naam Xon. In’n Gegensatz to Spock schülln sien Öllern beid Vulkaniers wesen. De Rull schüll vun David Gautreaux[5] speelt warrn, de in’n Kinofilm denn in en korte Szeen as Commander vun de Ruumstatschoon Epsilon 9 to sehn is. Man künn sik mit NImoy eenig warrn un em övertügen, sien olle Rull doch wedder to övernehmen[3].

Opletzt weer de Plaan denn aver doch kippt, vunwegen dat denn doch de Kinofilm Star Trek: The Motion Picture dreiht warrn schüll an Steed vun en wietere Reeg. Eenige Kulissen, de för de Reeg as fardig boet weern, sünd denn in’n Film bruukt worrn. Dat Dreihbook is ok so teemlich dat glieke as dat för de Pilotepisood vun de Reeg schreven worrn is. Dat Book lööp ünner den Produkschoonstitel In Thy Image.

En poor vun de plaanten Geschichten un Kunzepten sünd later in Star Trek: The Next Generation ümsett worrn, annere warrt in dat Fan-Fiction-Projekt Star Trek: Phase II bruukt[6].

Literatur[ännern | Bornkood ännern]

  • Judith Reeves-Stevens, Garfield Reeves-Stevens: Star Trek Phase 2. Die verlorene Generation. Heyne 1998, ISBN 3453140184

Borns[ännern | Bornkood ännern]

  1. To sehn in’t Heineken-Museum in Amsterdam.
  2. Bild in de düütschsprakigen Utgaav vun Memory Alpha
  3. 3,0 3,1 Ralph Sander: „Das Star Trek Universum“ – Utgaav to’n 25johrig Jubiläum vun Star Trek, S. 166ff., ISBN 3-453-05553-5
  4. Judith un Garfield Reeves-Stevens: „Star Trek: Phase II - Die verlorene Generation“ - ISBN 3-453-14018-4
  5. David Gatreaux in de IMDB
  6. Star Trek: New Voyages Becomes Star Trek: Phase II op startreknewvoyages.com