Spree (Oort)

Vun Wikipedia
Wesseln na: Navigatschoon, Söök
Spree
Spree (Sturnus vulgaris)
Systematik
Klass: Vagels (Aves)
Ornen: Passeriformes
Ünnerornen: Singvagels (Passeri)
Familie: Spreen (Sturnidae)
Ünnerfamilie: Spreen (Sturninae)
Geslecht: Sturnus
Wetenschoplich Naam
Sturnus vulgaris
Linnaeus 1758
Sturnus vulgaris

De Spree (Sturnus vulgaris) is de Vertreder vun de Familie vun de Spreen (Sturnidae), de in Europa mit Afstand op’t mehrst vörkaamt.

Utsehn[ännern | Bornkood ännern]

De Spree warrt 19 bet 22 Zentimeter groot. Se hett en gelen Snavel, de in’n Harvst bruner, bi’t Seken swartbruun warrt. Vun’n Harvst an hett se witte Tüppels (dat Seken duller), mit witte Feddersüüm, de denn in’t Vörjohr wedder weggaht.

Broot[ännern | Bornkood ännern]

De Spree brööd vun April bet Juli. Dat Nest boot se ut dröge Blääd, Spieren, Woddeln, Stroh, Hoor, Wull un Feddern in Höhlen (Boomhöhlen, Nestkastens, Felsspalten etc.). De Spree leggt veer bet söven Eier, de Bröödtiet duert twee Weken, de Tiet in de de Küken in’t Nest bleevt nochmal ene Week. Af un an brööd de Spree ok tweemal in een Johr.

Vörkamen[ännern | Bornkood ännern]

De Spree kummt in ganz Europa vör, vör allen in Kulturlandschoppen un Dörper. In Middel- un Noordeuropa is se blot in de Bröödtiet antodrepen, in Süüd- un Westeuropa un ok op Süüdiesland dorgegen dat ganze Johr. Se leevt in’n Winter in’n Middelmeerruum un in Noordwestafrika as ok in’t atlantische Westeuropa. De Spree is buterhalf de Bröödtiet temlich gesellig un kann denn faken in Swärm vun Hunnerte vun Vagels optreden.

Nohren[ännern | Bornkood ännern]

De Spree is en Allensfreter, de ünner annern Weekdeerten, Insekten, Frücht un Beeren fritt.

Kiek ok bi[ännern | Bornkood ännern]

Weblenken[ännern | Bornkood ännern]

Commons-logo.svg Spree. Mehr Biller, Videos oder Audiodateien to’t Thema gifft dat bi Wikimedia Commons.