Smokey de Boor

Vun Wikipedia
Wesseln na: Navigatschoon, Söök
Smokey3.jpg

Smokey de Boor (engelsch Smokey Bear) is dat Maskottchen vun den US-Forstdeenst, de 1944 utdacht worrn is, de Lüüd op de Gefohr vun Wooldbränn opmarksam to maken. Toeerst bruuk de Forstdeenst noch Bambi ut den Film vun Walt Disney, op siene Posters, aver dat Recht Bambi to bruken, gell blots een Johr, so dat se en nee Figur bruken deen. Dat eerste Poster keem in’n August 1944 rut. 1952 as Smokey temlich bekannt worrn weer, hett de US-Kongress mit den Smokey Bear Act beslaten, dat Smokey nich mehr gemeenfree wesen schall un ünner de Kuntrull vun’t Ministerium för Landweertschop stahn schall. Dat Gesett sett fast, dat för dat Bruken vun Smokey Bear för dat Opkloren över Wooldbränn vun nu an Geböhren to betahlen wesen schöölt. In Kanada un Mexiko warrt de Figur ok bruukt un heet dor Simon.

Sien Snack is „Only YOU can prevent forest fires!“ („Blots DU kannst Wooldbränn verhinnern!“). In’n April 2001 is dat to „Only YOU can prevent wildfires!“ („Blots DU kannst Loopfüer verhinnern!“) ännert worrn.

De Kampagne mit Smokey is de op’t längst lopen in de Geschichte vun de USA. Den Chrakter Smokey hett sik Richard Scarry för de Kinnerbookreeg Little Golden Books utdacht. 1964 weer Smokey so populär un kreeg so veel Fanpost, dat he en egen Postleettall kreeg (20252). Smokey warrt mehrsttiets as en Boor afbillt, de jüst as en Minsch op twee Been löppt un Jeans un en Ranger-Hoot mit flache Kremp driggt.

1952 hebbt Steve Nelson un Jack Rollins dat Leed „Smokey the Bear“ schreven, dat vun den Boor hannelt.

Weblenken[ännern | Bornkood ännern]