Seth Barnes Nicholson

Vun Wikipedia
Wesseln na: Navigatschoon, Söök

Seth Barnes Nicholson (* 12. November 1891 in Springfield, Illinois; † 2. Juli 1963 in Los Angeles, Kalifornien) weer een US-amerikaansche Astronom.

Nicholson is up’d Land in Illinois upwussen un hett later henn de Drake University besöcht, wor man sien Interess an de Astronomie waakt hett.

In dat Johr 1914 hett he an dat Lick Observatorium van de Universität van Kalifornien de jüst nieg opdeckten Jupitermaand, de later henn Pasiphae nömmt wurrn is, beobacht. Dorbi hett he noch een Maand bi de Jupiter funn’n, (Sinope), de domols aber noch Jupitermaand IX heet. Nicholson hett de Bahn van de Maand bi sien Dokterarbeit 1915 utrekend. Een Johr later hett he de Asteroid (878) Mildred opdeckt.

Sien Berufsleben hett he denn at dat Mount-Wilson-Observatorium verbrocht, wo he nahst noch dree Jupitermaanden, Lysithea, Carme (beid 1938) un Ananke (1951) as ok de trojaansch Asteroid (1647) Menelaus, opdeckt hett. Dorto hett he noch de Bahnen van een paar Kometen un van de Dwargplanet Pluto berekend.

Sinope, Lysithea, Carme and Ananke heeten eerst eenfach Jupitermaannd IX, X, XI und XII. Eerst in dat Johr 1975 hebbt se de Naams van de Internatschonale Astronomsche Union (IAU) kregen, ok wenn Nicholson dor tegen weer.

Sien Hööftupgaav an’t Mount Wilson Observatorium weer allerdings dat Ünnersöken van de Sünnaktivität. Över Jahrteinten hett he dorto Johresberichte över Sünnflecken-Aktivitäten upstellt. He hett ok an een paar Expeditschonen to’n Beobachten van Sünndüsternissen deelnommen, üm de Helligkeit un de Temperatur van de Korona van de Sünn to bestimmen.

In de fröhe 1920er Johren hett he tosommen mit Edison Pettit de eerste systemaatisch Ünnersökungen van Himmelskörpers in de Infrarot-Beriek dörföhrt. Dorbi hebbt se faststellt, dat de Maand mit eene dünn Stoffschicht övertrukken is, wat man denn nahst ok bewiesen kunn, as de eerste Minschen dor henkommen sünd.

Van 1943 bit 1955 weer he as Editor un Viezpräsident för de Astronomical Society of the Pacific tätig. 1963 hett he för sien Verdeensten de Bruce-Medaille kregen.

Asteroidopdeckungen: 2
(878) Mildred 6. September 1916
(1647) Menelaus 23. Juni 1957