Rudi Altig
Rudi Altig (* 18. März 1937 in Mannheim; † 11. Juni 2016 in Remagen[1]) weer en düütschen Radrennfohrer. Gemeensam mit Hennes Junkermann, Karl-Heinz Kunde un Rolf Wolfshohl hett he in de 1960er Johren den düütschen Profiradsport präägt.
1962 hett he de Spanien-Rundfohrt wunnen. Rundfohrten weern aber nich sien Saak, he kunn beter de Eendagsfohrten mitmaken. So hett he 1964 de Flannern-Rundfohrt vör Benoni Beheyt un Jo de Roo wunnen un is 1966 Weltmeester bi’t Stratenrennen wurrn. 1962 harr he all dat Critérium des As wunnen.
Dat Rennen van Mailand nah San Remo kunn he 1968 up sien Naam schrieven un 1970 hett he dat Rennen Rund um de Henninger Toorn wunnen un is ok noch düütsch Meester wurrn. De Meestertitel harr he 1964 ok al mal holt.
Ok wenn he bi Rundfohrten nie ganz vörn dorbi weer, so hett he doch bi Tour de France 7 Deelstrecken (un 1962 dat Gröne Trikot för de Punktbeste), bi de Giro d’Italia 4 Deelstrecken un bi de Spanien-Rundfohrt 6 Deelstrecken wunnen.
1992 kreeg he dat Bundsverdeenstkrüüz an' Bande. In’n Juni 2016 is he an en Krebs-Krankheit doodbleven[1].
Borns
[ännern | Bornkood ännern]- ↑ a b Naricht vun sien Dood op Sportschau.de