Rudi Altig

Vun Wikipedia
Wesseln na: Navigatschoon, Söök
Rudi Altig 2005

Rudi Altig (* 18. März 1937 in Mannheim) is een ehmalge düütsche Radrennfohrer.

1962 hett he de Spanien-Rundfohrt wunnen. Rundfohrten weern aber nich sien Sak, he kunn beeter de Eendagsfohrten mitmaken. So hett he 1964 de Flannern-Rundfohrt wunnen un is 1966 Weltmeester bi’t Straatenrennen wurrn. 1962 harr he all dat Critérium des As wunnen.

Dat Rennen van Mailand nah San Remo kunn he 1968 up sien Naam schrieven un 1970 hett he dat Rennen Rund um de Henninger Toorn wunnen un is ok noch düütsch Meester wurrn. De Meestertitel harr he 1964 ok all mal holt.

Ok wenn he bi Rundfohrten nie ganz vörn dorbi weer, so hett he doch bi Tour de France 7 Etappen (un 1962 dat Gröne Trikot för de Punktbeste), bi de Giro d’Italia 4 Deelstrecken un bi de Spanien-Rundfohrt 6 Deelstrecken wunn.