Jo de Roo

Vun Wikipedia
Wesseln na: Navigatschoon, Söök
Jo de Roo

Johan „Jo“ de Roo (* 5. Juli 1937 in Schore, hüüd Kapelle) is en ehmalger nedderlannsch Radrennfahrer.

Jo de Roo weer Profi-Radsportler van 1958 bit 1968. In elf Johren wunn söss Mal Eendagsklassiker, wunn dree Deelstrecken bi de Tour de France un een bi de Vuelta. Insgesamt hett he 46 Siege errungen.

1957 harr de Roo sien eersten Spood as Amateur, in dat Johr dornah wurr he Profi un is fiev Johr in de sülvig Mannschap as Jacques Anquetil fohren. 1959 wunn he gemeensam mit Jean Palmans dat Sössdaagrennen vun Antwerpen, 1960 den Giro di Sardegna. 1962 weer sien spoodriekst Johr, in dat he Paris-Tours, den Giro di Lombardia as ok Bordeaux-Paris wunn. Na dat Rennen Paris-Tours kreeg he dat Geel Band ("Ruban Jaune") överreicht, wiel he de bither bi Klassikern schafft hööchst Dörsnittsgeschwindkeit överboden harr. In dat sülvig Johr kreeg he ok de „Gerrit-Schulte-Trophäe“ as best nedderlannsch Straatenfohrer un wunn an‘ Enn‘ vun de Saison de Super Prestige Pernod-Werten för den besten Fohrer vun de Saison bi Klassikern un de wichtigst Deelstrecken-Rennen.

1963 hett de Roo nochmals de Harvstklassiker Paris-Tours un Giro di Lombardia wunnen. 1964 un 1965 wurr he Nedderlannsch Straatenmeester un wunn todem 1965 de Ronde van Vlaanderen as ok Omloop Het Volk. In sien letzt beid aktiv Johren is he för dat sülvige Team (Willem II-Gazelle) as Peter Post un Rik Van Looy. 1968 hett he sien Radsportkarriere upgeven.

Weblenken[ännern | Bornkood ännern]