Roy Haynes

Vun Wikipedia
Wesseln na: Navigatschoon, Söök
Roy Haynes live at Carnegie Hall in’ September 2007.

Roy Haynes (* 13. März 1925 in Boston, Massachusetts) is en US-amerikaansch Jazz-Slagtüüchspeler.

Leven un Warken[ännern | Bornkood ännern]

Haynes hett dat Slagtüüchspeel autodidaktisch lehrt un is siet 1942 mit Musikers as Tom Brown, Sabby Lewis, Frankie Newton un Pete Brown uptreden. 1945 gung he nah New York, wo he Liddmaat in dat Orchester vun dat Harlemer Savoy Ballroom ünner Luis Russell wurrr, dat he bit 1947 anhörrn de.

Dornah weer he as Slagtüüchspeler Partner vun Musikers as Lester Young (1947–1949], Bud Powell un Miles Davis (1949), Charlie Parker (1949–1953), Sarah Vaughan (1954–1959), Thelonious Monk (1959–1960), Eric Dolphy (1960–1961), Stan Getz (1961–1965), dat John Coltrane Quartet (1963–1965), Cannonball Adderley un siet 1968 vun Chick Corea. Later weer he ok Slagtüüchspeler bi Pat Metheny un Michel Petrucciani.

Siet de 1960er Johren hett Haynes ok eegen Bands leit, to de u.a. George Adams un Hannibal Marvin Peterson hörrn. 1962 nehm he mit en Quartett ut Roland Kirk, Henry Grimes un Tommy Flanagan sien Album Out of the Afternoon för Impulse! up, to dat he ok eegen Kompositschonen bistüer. Faken Arbeit he ok mit jung Musikers as Ralph Moore, Craig Handy un sien Söhn Graham Haynes.

Utteknungen[ännern | Bornkood ännern]

1987 wurr he in dat Trio mit Chick Corea un Miroslav Vitouš för den Grammy Award as best instrumental performance-group nomineert, in desülvig Kategorie kreeg he in de Folgejohr mit McCoy Tyner, Pharoah Sanders un David Murray en Grammy för dat Album Blues for Coltrane. 1991 kreeg he vun dat Berklee College of Music en Ehrendoktertitel. 1994 kreeg he den Jazzpar-Pries. An’ 31. März 2009 wurr Haynes in’ Rahmen vun de Pariser Utstellung Le Siècle Du Jazz vun de franzöösch Kulturministerin Christine Albanel to’n Commandeur des Arts et Lettres ernannt.[1]

He is ok in de American Jazz Hall of Fame upnommen un 1995 kreeg he den NEA Jazz Masters Fellowship.


Diskografie (Utwahl)[ännern | Bornkood ännern]

Enkeld Nahwiesen[ännern | Bornkood ännern]

  1. Jazzthing//78