Tommy Flanagan (Jazzmusiker)

Vun Wikipedia
Wesseln na: Navigatschoon, Söök
Tommy Flanagan

Thomas „Tommy“ Lee Flanagan (* 16. März 1930 in Detroit; † 16. November 2001 in New York City) weer en US-amerikaansch Jazz-Pianist vun den Swing.

Sien Öllern weern begeistert Jazzfans un hebbt Tommys Musikalität dör Klarinett-Ünnericht all mit söss Johren fördert; as he elf Johr old weer, is he to dat Klaveer wesselt. 1945 hett he en Konzert vun Art Tatum besöcht, wat hüm dorto brocht hett, dat he nu endgültig Jazzpianist wurrn wull. Noch i dat sülvig Johr harr Tommy Flanagan – mit blots 15 Johren – sien eersten professionellen Upträe in dat Ensemble vun Dexter Gordon. Dornah hett he mit lokaal Gruppen in Detroit, ünner annern mit Lucky Thompson, Rudy Rutherford un Billy Mitchell arbeit. Nah de Tiet in de US Army (1951-53) speel he mit Kenny Burrell un keem nah New York.

Sien Debüt in New York gelung 1956, as he vör den wat kranken Bud Powell inspringen dee. Sien Speel hett Miles Davis so düchtig beindruckt, dat he hüm to de nächst Upnahmsession inladen hett. Buterdem hett he ok mit Oscar Pettiford tosommen arbeit. In de nächst twintig Johren keem Flanagan to völ, hüüd as Klassiker anerkannt Upnahmen. Eerst Upnahmen entstunnen in‘ März 1956 ünner Leitung vun Kenny Burrell; in‘ August 1957 nehm he in Stockholm mit sien Trio ut Wilbur Little un Elvin Jones eerstmals ünner eegen Naam up. Ünner Sessions mit Curtis Fuller (Blues-ette, 1959), Dexter Gordon, Gigi Gryce, Coleman Hawkins, Freddie Hubbard un Wilbur Harden is besünners sien Mitwarken an Sonny Rollins sien Saxophone Colossus (1956), Giant Steps (1959) vun John Coltrane un The Incredible Jazz Guitar of Wes Montgomery hervörtoheven.

As Klaveerbegleiter vun Ella Fitzgerald weer Tommy Flanagan in twee längeren Perioden tüschen 1962 un 1965 as ok 1968 bit 1978 tätig, dortüschen hett he för Tony Bennett arbeit un hett he an de Impulse! Session vun Roy Haynes (Out of the Afternoon) mitwarkt. 1978, nah en överstahn Hartinfarkt, hett Flanagan denn blots noch in sien eegen Trio arbeit. Temelk bekannt wurr he denn 1993 mit ünner annern Let's.

Sien Pianostil is stark beinfloot vun Al Haig un Hank Jones.

Ehrungen[ännern | Bornkood ännern]

Dorto is he ok noch in de American Jazz Hall of Fame upnommen wurrn.

Weblenken[ännern | Bornkood ännern]