Rainer Schlichtmann

Rainer Schlichtmann (* 1953) is en düütschen Verwaltungsbeamten.

Schlichtmann is 1953 boren un hett na Lehr in de Gemeenverwaltung denn en Afsluss as Diplom-Verwaltungsweert maakt. Bet 1983 hett he bi de Samtgemeen An’n Dobrook arbeidt un harr dor toletzt dat Leid över dat Boamt. Von 1984 bet 1995 weer he denn Gemeendirekter in de Gemeen Bienbüddel. In dat Johr 1995 is he in de Samtgemeen Harsfeld as Samtgemeendirekter wählt worrn. Nadem siene Amtstied von twölv Johr rüm weer, is in de Samtgemeen Harsfeld de Dubbelspitz ut hauptamtlichen Samtgemeendirekter un ehrenamtlichen Samtgemeenbörgermeester tohoopleggt worrn to en hauptamtlichen Samtgemeenbörgermeester. De Wahl to’n eersten hauptamtlichen Samtgemeenbörgermeester hett he an’n 22. April 2007 wunnen un hett düt Amt an’n 1. Oktober 2007 antreden.

Tosätzlich is he siet 1995 Gemeendirekter för de Gemeen Harsfeld. In de Gemeen Ohlers weer he von 1996 bet 2011 ok Gemeendirekter.

He hett in’n Januar 2014 de Ehrenmedallje von’n Neddersassischen Städer- un Gemenenbund un ok de Ehrenmedallje von’n Flecken Harsfeld kregen.

Schlichtmann is verheiraadt mit siene Fro Ulrike un hett twee Kinner. He leevt in Harsfeld.

Weblenken

• Schlichtmann sien Websteed (hoochdüütsch)