Pinie

Vun Wikipedia
Wesseln na: Navigatschoon, Söök
Pinie
Systematik
Klass: Pinopsida
Ornen: Pinales
Familie: Pinaceae
Ünnerfamilie: Pinoideae
Geslecht: Föhren (Pinus)
Wetenschoplich Naam
Pinus pinea
L.

De Pinie (Pinus pinea) is en Boom ut dat Geslecht vun de Föhren ut de Familie Föhrenplanten.

riep Tappen

De Pinie warrt mehrst 12 bet 20 Meter hooch, weniger faken ok bet to 25 Meter. Typisch is de Schirmform vun ehr Kroon. De smeetschen, dat ganze Johr grönen Nadeln staht jümmer in Poren un sünd mehrst 9-16 Zentimeter lang un 1-1,5 Millimeter dick. De Tappen bruukt dree Johren bet se riep sünd; se sünd symmetrisch, 8-15 Zentimeter lang un bet to teihn Zentimeter breed. De Saat is so wat twee Zentimeter lang. De Pinie is temlich övelnehmsch bi Frost.

De Pinie kummt hüüt in’n helen Middelmeerruum vör un präägt dor faken de Landschop. Se warrt al siet de Antike veel plant, so dat dat Rebeet, in dat se fröher heemsch weer, nich mehr uttomaken is. Mööglich is, dat se op de Iberische Halvinsel tohuus weer. De Pinie is al in de Antike mehrst wegen de Pinienkarnen plant worrn. De Pinienwoolden an de Küst vun’t Middelmeer gaht woll alltohoop op ole Plantaschen trüch, denn för de Pinie is dat Küstenklima nich ideal.

Dat Holt hett keen groten Weert un warrt to’n Bispeel as Boholt un för de Zellulose-Produkschoon bruukt.

Weblenken[ännern | Bornkood ännern]

Commons-logo.svg Pinie. Mehr Biller, Videos oder Audiodateien to’t Thema gifft dat bi Wikimedia Commons.