Pedro Armendáriz

Vun Wikipedia

Pedro Gregorio Armendáriz Hastings (* 9. Mai 1912 in Mexiko-Stadt; † 18. Juni 1963 in Los Angeles, Kalifornien, USA) weer en mexikaanschen Schauspeler.

Leven un Wark[ännern | Bornkood ännern]

Armendáriz is de Söhn vun en Mexikaner un en US-Amerikanersche un is wiel dat Kuddelmuddel vun de mexikaanschen Revolutschoon in Churubusco opwassen, wat en Vöroort vun Mexiko-Stadt is. Later is he mit sien Öllern na Laredo in Texas togen. As de 1921 doodbleven sünd, is he vun sien Unkel opnahmen worrn. De hett em den Weg freemaakt, en Studium vun de Weertschopswetenschoppen un Journalismus an’t Polytechnische Institut vun San Luis Obispo optonehmen.

As he 1931 sien Afsluss harr, is he torüch na Mexiko-Stadt gahn, woneem he toeerst as Iesenbahningenieur, Versekerungskoopmann un Touristenföhrer arbeit hett. In de Stadt weer he 1935 vun den Speelbaas Miguel Zacarías opdeckt, as he in en Café för amerikaansche Touristen den Monoloog ut Shakespeares Hamlet opseggt harr. För Amendariz weer dat de Grundsteen to en överragen Loopbahn in de golden Ära vun’t mexikaansche Kino. Ünner annern hett he in Filmen vun de beropenen Speelbasen Julio Bracho un Emilio Fernández un bill tosamen mit Dolores del Río dat Droompoor op de Lienwand.

Ok in Hollywood is man denn op em opmarksom worrn, woneem he eenige Filmen ünner den Speelbaas John Ford mitspeelt hett. Dorbi bleev he aver op de Rull vun den Klischee-Mexikaner beschränkt. In sien Verdarven föhr em de Rull, de he 1956 in den Film The Conqueror kregen hett. Disse Film weer in in Utah dicht bi dat Testrebeet för Atomwapen in Nevada dreiht, wobi de meisten Liddmaten vun de Filmkru kontamineert worrn sünd. In de nächsten Johren sünd 91 Lüüd vun jem an Kreeft krank worrn, dorünner ok Armendáriz sülvst.

Vun siene Krankheit is he wiel de Dreiharbeiten to From Russia with Love (1963) wies worrn. De Kreeft weer nich to helen, un he hett ünner grote Pien sien Rull to Enn dreiht. Wenig later as he fardig dreiht harr, hett he sik in en Klinik in Kalifonien sülvst doodschaten. Armendáriz hett in mehr as hunnert Produkschonen mitspeelt

Armendáriz hett en Söhn, de ok Pedro Armendáriz heet un jüst as sien Vadder Schauspeler worrn is.

Filmografie (Utwahl)[ännern | Bornkood ännern]

Johr Titel Synchroonsnacker
1935 Rosario  
1942 Simón Bolívar  
1944 El corsario negro
dt.: Der schwarze Korsar
 
1945 Las abandonadas
dt.: Die Verlassenen
 
1946 Enamorada
dt.: Die Fackel der Liebe
 
1947 La perla
dt.: Die Perle
 
1947 The Fugitive
dt.: Befehl des Gewissens
 
1948 3 Godfathers
dt.: Spuren im Sand
 
1948 Fort Apache
dt.: Bis zum letzten Mann
 
1949 We Were Strangers
dt.. Wir waren uns fremd
 
1949 La malquerida
dt.: Die Herrin von Soto
 
1950 The Torch
dt.: Rebellen der schwarzen Berge
 
1951 Camino del infierno
dt.: Der Weg zur Hölle
 
1952 El rebozo de Soledad  
1953 Les amants de Tolède
dt.: Der Hauptmann von Toledo
 
1955 The Conqueror
dt.: Der Eroberer
Paul Klinger
1956 La escondida
dt.: Die Rebellenbraut
 
1957 The Big Boodle
dt.: Jagd durch Havanna
 
1960 Pancho Villa y la Valentina
dt.: Teufelsgeneral Pancho Villa
 
1960 Cuando ¡Viva Villa..! es la muerte
dt.: Pancho Villa – Sieg und Verrat
 
1962 Arrivano i titani
dt.: Kadmos, Tyrann von Theben
 
1963 From Russia with Love
dt.: Liebesgrüße aus Moskau
Klaus Miedel

Utteken[ännern | Bornkood ännern]

Armendáriz is för sien Filmrullen söss mol as Best Schauspeler för den mexikaanschen Silver Ariel vörslahn wesen. Tweemol hett he dissen Pries wunnen, neemlich 1948 för den Film La perla un 1953 för den Film El rebozo de Soledad. Vörher al, weer he 1947 mit en Sünner-Ariel för sien Filmwarken uttekent.

Weblenken[ännern | Bornkood ännern]