Pawel Romanowitsch Popowitsch

Vun Wikipedia
Wesseln na: Navigatschoon, Söök
Popowitsch up en sowjeetsch Breefmark van 1962

Pawel Romanowitsch Popowitsch (russisch Павел Романович Попович, wetenschaplich Transliteration Pavel Romanovič Popovič; * 5. Oktober 1930 in Usyn, Ukrainische SSR, Sowjetunion; † 29. September 2009 in Hursuf) weer en sowjeetsch Ruumfohrer, de a de eerste Gruppenfloog in’ Weltall deelnommen hett. He weer ok de eerste ukrainische Kosmonaut.

Leven[ännern | Bornkood ännern]

Utwahl un Utbildung as Kosmonaut[ännern | Bornkood ännern]

1954 hett Popowitsch de Fleegerschool in Grosny afslooten, dornah hett he as Luftwaffen-Pilot deent. Anfang 1960 wurr de eeste Kosmonautengrupp vun de Sowjetunion tosommenstellt un Popowitsch hörr to de eerste 20 Piloten, de för den eersten Ruumfloog utsöcht wurrn. He hörr ok to de eersten söss Kandidaten för den eersten Wostok-Floog.

Eerst Mission: Wostok 4[ännern | Bornkood ännern]

Nah den eersten Ruumfloog in de Historie mit Wostok 1 un den eersten 24-Stünn-Floog mit Wostok 2 plan de Sowjetunion noch en Eerstleistung: mit Wostok 3 un Wostok 4 sullen eerstmals twee Ruumschippen to glieker Tiet in de Eerdumloopbahn (Orbit) ween. De Floogdüer weer umstreeden, wiel man nicht wuss, wu de minschlich Körper reageeren dee, wenn man längere Tiet in't All verbringen dee. Chefkonstrukteur Koroljow weer för en Floo vun dree Daag Düer, de Chef vun de Kosmonautenutbildung, Kamanin, wull man blots twee Daag.

Popowitsch is an’ 12. August 1962 mit Wostok 4 losfloogen. Een Dag vördem weer all Andrijan Nikolajew mit Wostok 3 in’t All start. De bei Ruumschippen keemen sück bit up 6,5 km nah. Dat harr man aber all bi de Start so utrekend un harr nichts mit manövreeren to doon. De beid Ruumschippen harr ünnerscheedlich Umlooptieden un hebbt sück dorum ok so nah un nah weer trennt. Aber de beid Kosmonauten harrn Funkkontakt mit’nanner.

Wiel sien Lebenserhaltungssystemen defekt weer, full de Temperatur in Popowitschs Kapsel up 10 °C, wat aber kien Utwirkungen up den Missionsverloop harr. Popowitsch keem nah dree Daag, kört nah Nikolajew, de veer Daag in All weern wee, rünner. As bi Wostokflöög begäng, hett Popowitsch den Schleudersitz bruukt un is an en eegen Fallschirm landt.

Tüschen de Missionen[ännern | Bornkood ännern]

Nah sien Ruumfloog hett Popowitsch Vördragsreisen makt, de ok nah Kuba un Australien führen deen. Af September 1966 hett Popowitsch ein Grupp vun Kosmonauten leidt, de sück up en Floog mit de militärisch Version Sojus VI vörbereiten dee. De eerste Floog (wohrschienlich mit Popowitsch un Gennadi Kolesnikow as Besatzung) sull 1969 stattfinnen, aber dat Projekt wurr in’ Dezember 1967 afseggt, trotz Popowitschs Inwände. Dornah traineer Popowitsch weer in sowjeetsch Maandprogramm.

Parallel dorto studeer Popowitsch van 1966 bit 1968 an de Militärakademie vun de Luftstrietkräfte in Monino.

Tweede Mission: Sojus 14[ännern | Bornkood ännern]

In’ September 1970 wurr Popowitsch Baas vun en Afdeelen vun 22 Kosmonauten, de sück mit de plant militärisch Ruumstation Almas befaaten deen. Af September 1972 hett sück Popowitsch tosommen mit sien Bordingenieur Artjuchin up en Uphollen an Bord vun de eerst Almas-Ruumstation vörbereidt. De beid weern as eerst Besatzung vörsehn. De Floog funn aber nich statt, wiel de Ruumstation in’ April 1973 in de Eerdumloopbahn nich stabiliseert wurrn kunn un nah kört Tiet afstörrt is.

Nahdem en Almas-Ruumstation an’ 24. Juni 1974 ünner de Beteknung Saljut 3 start wurrn kunn, kunnen Popowitsch un Artjuchin an’ 3. Juli 1974 mit Sojus 14 starten. De beid Kosmonauten weern twee Week an Bord vun de Ruumstation und sünd an’ 19. Juli weer landt.

Nah de Missionen[ännern | Bornkood ännern]

Van Januar 1978 bit März 1989 weer Popowitsch för den Beriek Wetenschap un Forschung in dat Juri-Gagarin-Kosmonautentrainingszentrum verantwortlich. An’ 26. Januar 1982 is Popowitsch ut den Kosmonautenkader utscheeden un wurr 1989 Direkter vun dat Institut AIUS Agroresurs för dat Upsöken vun Bodenschätzen. In’ August 1993 is he ok ut den aktiven Militärdeenst utscheeden.

Sonstiges[ännern | Bornkood ännern]

Popowitsch hett en slag of wat Böker verapenlicht un weer Liddmaat vun de sowjeetsch (later: russischen) Schrieververeenigung. He weer Liddmaat vun den Böversten Sowjet vun de UdSSR.

Ehrungen (Utwahl)[ännern | Bornkood ännern]

  • tweefak Held der Sowjetunion (19. August 1962 un 20. Juli 1974)
  • tweefak Dräger vun den Leninorden (19. August 1962 un 20. Juli 1974)
  • Dräger vun den Oorden vun de rood Steern (17. Juni 1961)
  • Ukrainisch Oorden Jaroslaw der Weise, 4. Klass (1. Dezember 2005)

Nah Popowitsch sünd de Asteroid Popovich un en Barg in de Antarktis nömmt.

Privates[ännern | Bornkood ännern]

Popowitsch weer eerst mit Marina Popowitsch verheiraadt, de he 1955 kennen lehrt harr. Se weer to de Tiet all Testpilotin un hull mehrere Weltrekorde. 1961/1962 weer se in de engere Utwahl för de Kosmonautengrupp vun de Fruen, wurr denn aber doch nich utwählt. Popowitsch hett vergevens versöcht, sien Frau vun de Fleegeree aftobringen. De Ehe is nahder henn schett wurrn. Se harrn twee Kinner. Popowitsch hett later henn noch en tweet Mal heiraadt.

Weblenken[ännern | Bornkood ännern]