Patrick Swayze

Vun Wikipedia
Wesseln na: Navigatschoon, Söök
Patrick Swayzee in’t Johr 1989

Patrick Wayne Swayze (* 18. August 1952 in Houston, Texas; † 14. September 2009 in Los Angeles, Kalifornien) weer en US-amerikaanschen Schauspeler, Singer un Danser.

Leven un Beroop[ännern | Bornkood ännern]

Swayze sien Mudder Patsy Swayze weer en veel nafraagt Choreograafsche in Hollywood. Se hett to’n Bispeel för Filmen as Urban Cowboy, Thelma & Louise oder One Last Dance arbeit. Sien Vadder Jesse Wayne is 1982 von een Hartinfarkt dood bleven. Patrick Swayze hett twee Bröder, Don un Sean, un een Süster, Vicky, de 1994 al dood bleev. Butendem gifft dat noch en adopteerte Süster mit den Naam Bambi, de ok in One Last Dance to sehn weer.

Swayze is na de College-Tiet na New York togen, woneem he en professchonelle Utbilln to’n Ballett-Danser maakt hett.

Bekannt worrn is he as Schauspeler in de Rull vun Orry Main in de Feernsehreeg North and South, de groten Spood harr un in Düütschland ünner den Titel Fackeln im Sturm to sehn weer. Vör sien Filmrull in den Film Dirty Dancing, för de he för den Golden Globe nomineert worrn is, hebbt sien Fans kuum wüsst, dat Swayze ok en bannig goden Danser is. För den Golden Globe is he later noch fakener nomineert worrn, to’n Bispeel för sien Rull as Sam Wheat an de Siet vun Whoopi Goldberg un Demi Moore in Ghostoder To Wong Foo, thanks for Everything, Julie Newmar, in den he en Drag Queen dorstellt hett. Groten Kinospood harr ok Point Break dör dat gode Tosamenspeel vun Swayze un Keanu Reeves.

Na een Puus vun’t Filmgewarf, de dree Johr anhollen dee, keem Swayze 1998 wedder torüch op de Lienwand. Man blangen sien Arbeit as Schauspeler, hett he ok as Singer arbeit. Sien bekanntsten Titel is She’s Like the Wind ut den Soundtrack vun Dirty Dancing.

Siet Juni 1975 is Swayze mit sien Kollegsche Lisa Niemi verheiraadt. Se leevt tosamen in’n Noorden vun Los Angeles.

In’n Januar 2008 is bi Swayze Buukseverdrüsenkrebs faststellt worrn. An’n 14. September 2009 is he denn von sien Krankheit doodbleven.

Filmografie (Utwahl)[ännern | Bornkood ännern]

Johr Titel Synchroonsnacker
1979 Skatetown, U.S.A.  
1982 The Renegades, Feernsehfilm  
1983 The Outsiders
dt.: Die Outsider
Joachim Tennstedt
1984 Red Dawn
dt.: Die Rote Flut
Benjamin Völz
1985 North and South, Feernsehreeg
dt.: Fackeln im Sturm
Manuel Vaessen
1986 Youngblood
dt.: Bodycheck
Ronald Nitschke
1987 Dirty Dancing Wolfgang Müller
1987 Steel Dawn
dt.: Steel Dawn – Die Fährte des Siegers
Ulrich Gressieker
1988 Tiger Warsaw
dt.: Dirty Tiger
Wolfgang Müller
1989 Road House Ulrich Gressieker
1989 Next of Kin
dt.: Ruf nach Vergeltung
Detlef Bierstedt
1990 Ghost
dt.: Ghost – Nachricht von Sam
Ulrich Gressieker
1991 Point Break
dt.: Gefährliche Brandung
Joachim Tennstedt
1992 City of Joy
dt.: Stadt der Freude
Wolfgang Müller
1993 Father Hood
dt.: Vater mit kleinen Fehlern
Wolfgang Müller
1995 Three Wishes
dt.: Das Geheimnis der drei Wünsche
Wolfgang Müller
1995 To Wong Foo, Thanks for Everything! Julie Newmar Lutz Mackensy
1995 Tall Tale
dt.: Pecos Bill – Ein unglaubliches Abenteuer im wilden Westen
Wolfgang Müller
1998 Black Dog Joachim Tennstedt
1998 Letters From a Killer Wolfgang Müller
2001 Donnie Darko
dt.: Donnie Darko – Fürchte die Dunkelheit
Wolfgang Müller
2002 Waking Up in Reno Tobias Kluckert
2003 11:14
dt.: 11:14 – Dein Date mit dem Schicksal kann tödlich sein
Wolfgang Müller
2004 King Solomon’s Mines, Feernsehfilm
dt.: Quatermain und der Schatz des König Salomon
Joachim Tennstedt
2004 Dirty Dancing: Havanna Nights
dt.: Dirty Dancing 2 – Heiße Nächte auf Kuba
Wolfgang Müller
2005 Keeping Mum
dt.: Mord im Pfarrhaus
Oliver Stritzel
2007 Jump! Joachim Tennstedt
2007 Christmas in Wonderland  
2009 Powder Blue Manuel Vaessen

Filmpriesen[ännern | Bornkood ännern]

Patrick Swayze weer in sien Loopbahn teihn mol för Priesen nomineert, dorünner ok dreemol för den achten Golden Globe. Uttekent worrn is he mit veer Priesen:

Weblenken[ännern | Bornkood ännern]

Borns[ännern | Bornkood ännern]