Paraguay

Vun Wikipedia
República del Paraguay, Tetã Paraguái
Flagg vun {{{PAGENAME}}} Wapen vun {{{PAGENAME}}}
(Flagg) (Wapen)
Wahlspröök: Paz y justicia, Peace and justice, Мир и справедливост, You have to feel it!
Natschonalhymne: Paraguayos, República o muerte
Woneem liggt {{{PAGENAME}}}
Hööftstadt Asunción
{{{BGR}}}° {{{BMIN}}}′ {{{NS}}}, {{{LGR}}}° {{{LMIN}}}′
Gröttste Stadt
Amtsspraak Spaansch, Guaraní
Regeren
Präsident von Paraguay

Grött
 • Allens
 • Water (%)
 
406.756 quadratkilometer km²
? %
Inwahnertall
 • Inwahnerdicht
 
/km²
Geldsoort Paraguayischer Guaraní ([[ISO 4217|]])
BBP 39.950.899.733 US-Dollar, 41.722.295.362 US-Dollar $ ()
$ je Kopp
Tietzoon UTC−4, America/Asuncion (UTC)
Internet-TLD .py
ISO 3166 PY
Vörwahl ++595
Flagg vun Paraguay

Paraguay (up Guarani: Tetã Paraguái) is en Binnenstaat in Süüdamerika, de in' Oosten an Brasilien, in' Süden un Westen an Argentinien un in' Noorden un Westen an Bolivien grenzt. De Naam vun de Staat bedüüd „Water, dat to dat Water geiht“, afleit vun de Spraak vun de Oorinwahner, Guaraní: pará („Ozean“), gua („to/vun“) un y („Water“). De Utdruck betreckt sück up Guaraní meest blots up de Hööftstadt Asunción, aber up Spaansch up dat gesamt Staatsrebeet.

De Hööftstadt is Asunción und de tweetgröttste Stadt is Ciudad del Este. Dat Land harr 2010 tosommen 6.375.830 Inwahner up en Rebeet vun 406.752 km².

De Staat is an 14. Mai 1811 unafhängig van Spanien wurrn.

Geographie[ännern | Bornkood ännern]

Paraguay is neben Bolivien de eenzig Binnenstaat in Süüdamerikas. In' Noordwesten un Noorden grenzt dat mit 750 km an Bolivien, in' Oosten mit 1290 km an Brasilien un in' Süüden un Westen an Argentinien mit 1699 km. De gesamte Grenzlängt bedrocht 3739 Kilometer. Mit en Staatsrebeet vun 406.752 km² is dat Land ungefähr so groot as Düütschland un de Swiez tosommennommen.

Landschaptsbild[ännern | Bornkood ännern]

De Stroom Río Paraguay floot dör dat Land vun Noord nah Süüd un gleedert dat Land in twee Deelen. Dat westlich gelegen Gran Chaco is man dünn besiedelt, aber nimmt etwa 60 Perzent vun de Landflach in. An de Oostsiet liggt Oriente, in de över 97 Perzent vun de Bevölkerung leevt. De Gran Chaco is en swaach nah Oosten henn neigt, van 100 Meter in dat Sumpland an de Río Paraguay so nah un nah up 450 Meter an de Foot vun de Anden anstiegend quartärtietlich Upchüttungsebene mit eenheitlich Landschapscharakter. Ööstlich vun de Río Paraguay erstreckt sück en in de Cordillera de Caaguazú bit to 700 Meter hooch subtropisch Tafel- un Bargland, dat to de vun paläozoisch un mesozoiscn Sedimenten un mächtigen Basaltdecken, den so nömmt Paraná-Basalten bedeckt, präkambrischen Brasiliaanisch Schild hörrt. Dat breckt in en Stuuf to de fruchtbor Paraná-Paraguay-Senke af, in deren süüdlich Deel sück wiet Sump- un Överswemmungsrebeden erstrecken. De hööchste Barg vun dat Land is de Cerro Peró (Cerro Tres Kandú) mit 842 Metern Hööcht.

Bevölkerung[ännern | Bornkood ännern]

Bevölkerungsdichte (Inwahner pro km²)

De Bevölkerung wurrd in de düütsch Spraak as Paraguayer betekent.[1] De wietut gröttste Deel vun de Bevölkerung wahnt ööstlich vun de Río Paraguay un hier besünners in de Gegend um Asunción as ok dicht an de Grenz to Brasilien. In' Noorden un Westen vun dat Land, de vun de Ebene vun den Gran Chaco innommen wurrd, leevt blots ruch weg fiev Perzent vun de Bevölkerung.

Ethnien[ännern | Bornkood ännern]

Knapp 90 Perzent vun de Bevölkerung sünd Paraguayer, in de Mehrtall Mestizen, de ut de in‘ wesentlichen van de 16. bit to’n 18. Johrhunnert erfolgt Verbinnen vun Guaraní-Indianerinnen mit spaansch Inwanderer hervörgahn sünd. Af un an, insbesünnere Anfang vun dat 20. Johrhunnert, keemen mehr Inwanderer ut Europa as ok ut de Nahberlänner Brasilien un Argentinien. Dat gifft regional bedüüden Minnerheiten vun Europäers un indigenen Völkern, ünner de de Guaraní de bedüüdenst Grupp sünd. Hör Spraak (Guaraní), de ok vun 80 Perzent vun de nich-indigenen Bevölkerung spraaken wurrd, hett luut de Verfaaten vun 1992 neben Spaansch offiziellen Status. Hüüd tellt man veer Stämme to de Guarani-Tupi-Gruppe: De Ava-Guarani, de Pa'i tavyterä (Caiuá), de Mby'a un de Aché. De vergliekswies wenig swaartafrikaansch Slaven, de nah Paraguay keemen, sünd intüschen meest kumplett mit de anner Bevölkerungsgruppen vermischt.

Dat gifft 1000 bit 1200 Aché-Indianer in den subtropischen Oosten. Se gellen as Nahkommen vun de eenstig Oorbevölkerung vun Oostparaguay. Um 500 v. Chr. rüm sünd de Guarani-Gruppen ut dat Amazonasrebeet inwannert un hebbt de an de Stroomniederungen liggend Rebeden besett, hebbt dor hör Plantereen anlegt tun de Vörfohren vun de Aché in de hööhger liggend Waldrebeden afdrängt.

Innen Osten, in de dröge Holt Chaco, leeven veele Plautdietsch snackende Mennoniten, welke toeerst in de Reformatschoonstiet noh Russland utwannert, denn awer in den 20er Johren van dat 20. Johrhunnert van dor noh Paraguay kommen sünd.

Enkeld Nahwiesen[ännern | Bornkood ännern]

  1. Duden-Newsletter van' 11. Juni 2010: „Bei Uruguay wird genauso wie bei Paraguay einfach ein -er angehängt. Richtig sind also die Uruguayer sowie die Paraguayer.“