Olav Bjaaland

Vun Wikipedia
Wesseln na: Navigatschoon, Söök
Olav Bjaaland

Olav Olavson Bjaaland (* 5. März 1873 in Morgedal, Telemark Fylke; † 8. Juni 1961) weer en norweegsch Skifahrer, de tosommen mit Roald Amundsen un annern as Eerster den Süüdpool erreicht hett.

As Skifohrer weer he en vun de Besten in Norwegen. All 1902 wunn he de Kombinatschoonswertung an’ Holmenkollen un nehm 1909 an en Wettkamp in Frankriek deel. Up de Fohrt nah Frankriek is he up Roald Amundsen drapen, de hüm inlaaden hett, an en Noordpool-Expeditschoon deeltonehmen. Bjaaland hett toseggt, wuss aber dormals nich, dat de Reis in nipp un nau anner Richt gahn sull. Tosommen mit Amundsen, Helmer Hanssen, Sverre Hassel un Oscar Wisting keem he an’ 14. Dezember 1911 an den Süüdpool an. Bjaaland weer en bannig gooden Timmermann, de dat dorbi immer weer henkreeg, dat de Sledens op Schick weern. Nah de Antarktis-Expeditschoon kreeg Bjaaland vun Amundsen noch en Inlaadung, an en Noordoost-Passagen-Expeditschoon deeltonehmen, wat he aver aflehnt hett.

1912 kreeg he de Holmenkollen-Medaille, wat sien gröttste sportlich Spood weer. 1952 drüff he de Fackel för de VI. Olympisch Winterspelen in Oslo ansteeken.

Weblenken[ännern | Bornkood ännern]