Ocko II. tom Brok

Vun Wikipedia
Wesseln na: Navigatschoon, Söök
Ocko tom Brok wuurd nah de Slacht up de Wilde Ackers gefangen vör Focko Ukena föhrt. Romatisch Historienbild vun Tjarko Meyer Cramer, 1803

Ocko II. tom Brok (* üm 1345; † 1435) weer nah de fröhe Dood vun sien Vader Keno II. tom Brok, Söhn vun Ocko I. tom Brok vun 1417-1427 Oostfreesch Hööftling vun dat Brookmerland un dat Auerker Land in Oostfreesland.

Ocko II. tom Brok is de letzte oostfreesche Hööftling ut dat Geslecht vun de tom Brok. Ünner sien Herrschap keem dat to en Upstand vun anner freesche Hööftlinge tegen de tom Brok. En Konflikt mit sien Verbündeten Focko Ukena 1424 föhr 1426 to’n apen Krieg. Ocko, verheiraat mit Ingeborg vun Oldenborg, un dormit vun den Grafen ünnerstött, hett hör to Hülp ropen. De hebbt denn en Ritterheer schickt, wat aber vun Focko Ukena un sien Buernheer an 27. September 1426 in de Slacht vun Detern slahn wurr. Ocko II. wurr denn en Johr later an 28. Oktober 1427 bi de Slacht up de Wilde Ackers endgültig slahn un keem in Gefangenschap. Se hebbt hüm nah Leer brocht un dor is he veer Johr lang inhafteert wesen. 1435 is he ahn Macht as de letzte vun sien Geslecht in Nörden storven.