Numidien

Vun Wikipedia
Wesseln na: Navigatschoon, Söök
Königrieke in Oost- un Westnumidien, just ehr dat Massinissa upkamen is, an'n Anfang vun dat 2. Johrhunnert v. Chr.

Numidien is en vörmolig Land in Noordafrika, wat grote Deele vun dat hüdige Algerien un Tunesien umfaten dö.

Geschichte[ännern | Bornkood ännern]

In de Antike hefft Berbers in Numidien leevt un de ehr Naam weer Numiders oder Numidiers. As Karthago upkamen dö, sund de Numiders vun de Küststreken wegschaven wurrn. Eerst gegen dat Enne vun dat 3. Johrhunnert v. Chr. bi den 2. Puunschen Krieg is unner Massinissa en Königriek Numidien tostanne kamen. Dat hett regeert over dat Achterland vun Karthago un grenz in'n Westen an dat Königriek Mauretanien.

As Massinissa sien Söhn Micipsa sturven weer, hefft de Römers dat Riek updeelt unner den siene Söhns Adherbal, Hiempsal un Jugurtha. Dor is denn allerhand Striet um de Macht bi rutkamen un ok krieg mit de Röömsche Republiek (Jugurtha sien Krieg). In dat 1. Johrhunnert v. Chr. stunn Numidien unner de Herrschop vun Rom. De leste König vun Numidien weer Iuba I. (60-46 v. Chr.). He hett up Pompeius siene Siet bi den Röömschen Börgerkrieg mitmaakt un is in de Slacht bi Thapsus vun Caesar unnerkregen wurrn. Dor hett he sik denn sülms umbrocht, un Numidien is en Provinz vun Rom wurrn.

435 n. Chr. is de Küst vun Numidien in de Hand vun de Wandalen kamen. In de Barge sund dormols en Reeg vun röömsch-berbersche Lüttstaten tostanne kamen, as den Masties sien Riek in den Aurès. Nadem de Byzantiners dat Land 534 torüch erovert harrn, is de Provinz Numidia wedder upricht' wurrn. Gegen Enne vun dat 7. Johrhunnert is denn dat ganze Land duerhaftig in de Hannen vun de muslimschen Arabers fullen.

Herrschers von Numidien[ännern | Bornkood ännern]

Naam Tied Wenn de Tieden overeen gaht, hefft de Könige tohopen regeert.
Massinissa 202–149 v. Chr.
Micipsa 148–118 v. Chr.
Gulussa 148–vor 118 v. Chr.
Mastanabal 148–145 v. Chr.
Adherbal 118–112 v. Chr.
Hiempsal I. 118–117 v. Chr.
Jugurtha 118–104 v. Chr.
Gauda 104–88 v. Chr.
Hiempsal II. 88–60 v. Chr.
Juba I. 60–46 v. Chr.
Senat vun Rom 46–30 v. Chr.
Juba II. 25 v. Chr. –23 n. Chr.
Ptolemaios 23 – 40 n. Chr.

Geld[ännern | Bornkood ännern]

Münten vun de Numiders

Literatur[ännern | Bornkood ännern]

  • Heinz Günter Horn (Hrsg.): Die Numider. Reiter u. Könige nördlich der Sahara. Katalog zur Ausstellung in Bonn 1979-1980. Rheinland-Verlag, Köln 1979. ISBN 3-7927-0498-6
  • Elfriede Storm: Massinissa. Numidien im Aufbruch. Steiner, Stuttgart 2001. ISBN 3-515-07829-0
  • Serge Lancel: Saint Augustin, la Numidie et la société de son temps. De Boccard, Paris 2005. ISBN 2-910023-66-4
  • André Berthier: La Numidie - Rome et le Maghreb. Picard, Paris 1981. ISBN 2-7084-0063-0
  • Yann Le Bohec: Les unités auxiliaires de l'armée romaine en Afrique Proconsulaire et Numidie sous le Haut Empire. Ed. du CNRS, Paris 1989. ISBN 2-222-04239-9