Neefeld (Hamborg)

Wapen/Flagg	Koort
Basisdaten
Bundsland: Hamborg
Inwahners:	4,671
Postleettall:	21129
Geograafsche Laag:	53° 31′ N, 9° 48′ O
Grenzen bi OSM:	29209
Laag von Neefeld (Hamborg) in Hamborg (Koort lett sik anklicken)

Neefeld is een Stadtdeel vun Hamborg in’n Bezirk Horborg. De Fläck is 15,5 km² un de Tahl vun de Inwahners 4481 (31. Dezember 2013).

Geografie

Neefeld liggt in de Masch von de Elv in Oolland. Neefeld grenzt an de Hamborger Stadtdelen Cranz, Francop, Finkwarder un Neegraven-Fischbeek un an de Gemenen Jörk (Landkreis Stood) un Vosshusen (Landkreis Horborg) in Neddersassen.

Historie

Vör 1852 hett dat Rebeed to dat Gericht Nincop tohöört un denn von 1852 bet 1885 to dat Amt Jörk. Von 1885 bet 1932 weer Neefeld in’n Kreis Jörk un is denn Deel von’n Landkreis Horborg worrn. 1929 is ut de Gemenen Nincop un Hasselwarder de Gemeen Neefeld worrn. An’n 1. April 1937 keem de Gemeen Neefeld mit dat Groot-Hamborg-Gesett vun den Landkreis Horborg na Hamborg. Blots den Seehoff müss de Gemeen dorbi an de Gemeen Hoov afgeven. In de Johren 1950 un 1960 is för Gastarbeiders, de op de Warft J. J. Sietas arbeidt hebbt, en Wahnsiedlung bi’n Seehoff anleggt worrn. Düsse Seehoff-Siedlung liggt, anners as de Seehoff sülvs, op dat Rebeed von Neefeld.

Delen vun den Stadtdeel

Nöördlich in den Stadtdeel liggt Hasselwarder, wat de evangeelsch-lutheersche Kark St. Pankratius hett. Wieder süden in’n Stadtdeel liggt Nincop, wat vun Nedderlännern gründ’t worr. Westlich in den Stadtdeel liggt dat Kurdenviddel Seehoff, vun dat de Sozialstruktuur Tekens vun de vun Gelsenkiärken hett. Dor is een Filaal vun de Spoorkass Stood-Oolland.

Wahlen

Landslistenstimmen bi de Börgerschopswahl 2015

• SPD: 51,6 % (över den Dörsnitt)
• CDU: 15,9 % (op den Dörsnitt)
• DE LINKE: 5,6 % (ünner den Dörsnitt)
• FDP: 8 % (över den Dörsnitt)
• GRÖNE: 7,7 % (ünner den Dörsnitt)
• AfD: 7,5 % (över den Dörsnitt)

Börgerschopswahl 2011 (Landsstimmen ahn Breefwahl)

• CDU: 25,2 %
• SPD: 46,4 %
• GRÖNE: 5,8 %
• DE LINKE: 4,9 %
• FDP: 11,0 %

Börgerschopswahl 2008 (Landslistenstimmen ahn Breefwahl)

• CDU: 45,8 %
• SPD: 35,6 %
• GRÖNE: 5,4 %
• FDP: 6,1 %
• DE LINKE: 3,8 %

Börgerschopswahl 2004 ahn Breefwahl

• SPD: 26,8 %
• CDU: 47,5 %
• Gröne: 9,0 %
• FDP: 4,3 %
• Partei Rechtsstaatlicher Offensive: 1,1 % (ünner de Top 10 in Hamborg)
• Pro DM/Schill: 6,1 % (ünner de Top 10 in Hamborg)

Weertschop un Infrastruktur

Neefeld hett de Warft J. J. Sietas, een Filiaal vun de Volksbank Lümborger Heid un een vun de Hamborger Spoorkass (in Hasselwarder). De Filiaal von de Hamborger Spoorkass maakt to’n 30. September 2017 dicht.

Minschen ut Neefeld

• Arp Schnitger (1648–1719), Örgelbooer
• Matthias Arfmann (* 1964), Musikproduzent
• Konstantin Graudus (* 1965), Schauspeeler
• Deniz Barış (* 1977), Footballspeeler
• Hermann Jonas, ehemaalschen Baas vun de Freewillige Füerwehr Hamborg

Borns

Stadtdelen von’n Bezirk Horborg von de Fre’e un Hansestadt Hamborg

Cranz | Eißendörp | Francop | Good Moor | Horborg | Husbrook | Heimfeld | Langenbeek | Marmsdörp | Moorborg | Neefeld | Neegraben-Fischbek | Neeland | Oolwarder | Rönnborg | Sinstörp | Wilstörp