Nedderdüütsch Bühnbund

Vun Wikipedia

De Nedderdüütsch Bühnbund wurr 1927 in’t Läven ropen. He besteiht vandagen wieter in de dree sülfstännig Landsverbünnen Nedderdüütsch Bühnbund Neddersassen un Bremen, Sleswig-Holsteen un Mecklenbörg-Vörpommern. Düsse Artikel hett den Plink op de Arbeit un de Entwicklung van den Nedderdüütsch Bühnbund Neddersassen un Bremen. De Geschäftsstääd is in 2122 Ollenborg (Ollenborg) an’ Haarenufer 45 a.

Geschichte[ännern | Bornkood ännern]

Fast Strukturen kreeg dat nedderdüütsch Theaterspeel van de Neetiet 1919 mit de Gründung van de Nedderdüütsch Bühn Hamborg (vandagen Ohnsorg-Theater), de ut Richard Ohnsorg sien Dramatische Gesellschaft ruutwuss. Darna hebbt sik in de 1920er Jahren veele annere Nedderdüütsch Bühn grünnt, so 1920 in Bremen-Rabbelnhusen, de August-Hinrichs-Bühn in Ollenborg, 1922 in Stood, 1923 in Auerk, 1927 in Demost, 1928 in Varel un Gröpeln un 1932 in Braak un Willemshaven.

An’n 4. Oktober 1924 drapen sik meist 70 Lüüd in de Hamborger Universität dat se Bestand opnehmt över dat nedderdüütsch Bühnwark. Dat Drapen weer de eerste Nedderdüütsch Bühnendag. Se hebbt besloten, dat se en Archiv för nedderdüütsch Bühnenkunde an’t Germanische Seminar van de Universität Hamborg un de Inrichtung van en Tietschrift för nedderdüütsch Literatur un Bühnenkunst, „Schimmelrieder“, in de Gangen setten wullen.

De Gründung van de Dachorganisatschon Nedderdüütsch Bühnbund keem denn an’n 25. September 1927 bi den drüdden Nedderdüütsch Bühndag in Ollenborg tostann. Vertreters van 18 Bühn weern dar. De Gründungsvörstand sett sik tosamen ut Dr. Klaus Witt (Nedderdüütsch Bühn Flensborg), Dr. August Frese (Nedderdüütsch Bühn Ollenborg, later August-Hinrichs-Bühn (he wurr denn glieks de Obmann), Prof. Karl Krickeberg (Nedderdüütsch Bühn Rostock) und Dr. Bruno Peyn (Hamborg).

De Bühnbund is grünnt worrn, as Verbindung twüschen de enkelten Nedderdüütschen Bühnen un dat he de Interessen van de Bühnen twüschen de enkelten Bühnendaag vertreden deiht. De Bühnbund rekte sik van Emden bit Stralsund. Dat Rebeet weer bannig groot, so hett sik Anfang de 1930er Jahren ünner dat Leit van den Ollenborger Fritz Hoopts de „Westgruppe“ grünnt. Dat weer de Vörloper van den vandagigen Nedderdüütsch Bühnbund Neddersassen un Bremen. An’t Enn van den Tweten Weltkrieg geev dat keen Speelbedriev van de nedderdüütschen Bühnen van’n Bühnbund mehr. An’n 1. Juni 1947 hett he sik in Lübeck nee grünnt. Vertreters van 26 Nedderdüütsch Bühnen weern dorbi. 1948 harr de Bühnbund noch en egen Organisation un sien hööchste Matentall mit dree Berufsbühnen, dat Ohnsorg-Theater in Hamborg un de Nedderdüütschen Bühnen in Kiel un Bremen un överto 37 Nedderdüütsch Bühnen, de den Amateurstatus harrn.

An’n 6. September 1947 wurr in Brunswiek de Landsgruppe Neddersassen ünner dat Leit van Obmann Heinz Ohlendorf van de Bühn Brunswiek grünnt. An’n 21. April 1951 keem dat Bundsland Bremen dorto. Tosamen weer dat denn de Landsgrupp Neddersassen un Bremen. Eerste Obmann wurr Carl Hinrichs ut Ollenborg, Stellvertreter un Kassenföhrer wurr Willy Beutz ut Willemshaven, Schriftföhrer wurr Walter Ernst ut Bremen. An’n 10. Juni 1961 wurr Willy Beutz as Vörsitter un Walter Ernst as Stellvertreter van de Landesgruppe wählt.

In’n Mart 1964 wurr de Organisationsform van den heelen Nedderdüütschen Bühnenbund ännert. Dat Präsidentenamt wurr afschafft un as Vörsitter van den Bühnnbund hebbt sik denn de Landesvörsitter afwesselt. An’n 6. Februar 1971 wurr denn de Satzen van’n Bühnbund uter Kraft sett. De Funktionen van dat bisherig Präsidium keem op de Landesgruppen to, de sülvstännig in egen Verantworten as Nedderdüütsch Bühnbund Neddersassen un Bremen un Nedderdüütsch Bühnbund Schleswig-Holstein bestahn bleven. Füdderhen drepen sik de beiden Bühnbünnen all dree Jahr to en Grooten Gemeensamen Bühndag.

Na 1989 hett sik ut de Nedderdüütschen Bühn van’t Land Mecklenbörg-Vörpommern de Nedderdüütsch Bühnbund Mecklenbörg-Vörpommern grünnt. De Nedderdüütsch Bühnbund Neddersassen un Bremen besteiht vandagen as indragen Vereen mit 15 nedderdüütsch Bühn un Theater, de Maten sünd.

Gemeensame Bühndaag mit Sleswig-Holsteen[ännern | Bornkood ännern]

Grote Gemeinsame Bühndaag van de dree Bühnbünn[ännern | Bornkood ännern]

Maten van’n Nedderdüütsch Bühnbund Neddersassen un Bremen[ännern | Bornkood ännern]

  • Nedderdüütsche Theater Auerk
  • Nedderdüütsche Theater Brunswiek
  • Nedderdüütsch Bühn Braak
  • Nedderdüütsch Bühn Bremerhaven Waterkant
  • Nedderdüütsch Bühn Cuxhaven
  • Nedderdüütsch Theater Delmenhorst
  • Nedderdüütsch Theater Emden
  • Nedderdüütsch Theater Neeborg
  • Nedderdüütsch Bühn Nörden
  • Nedderdüütsch Bühn Nordenham
  • August-Hinrichs-Bühn an’t Ollenborgsch Staatstheater
  • Nedderdüütsch Theater Osterholz-Scharmbeck
  • Nedderdüütsch Bühn Varel
  • Nedderdüütsch Bühn Wiesmoor
  • Theater an’t Meer – Niederdeutsche Bühne Wilhelmshaven

De Nedderdüütsch Bühn Buxtehude „Speeldeel van de Est“ hett den Bühnbund verlaten, wiel se nich de nödigen twee Inszeneern in’t Jahr harr. Die Matenversammeln van de Nedderdüütsch Bühn „Speeldeel“ Jever e.V. hett an’n 26. Mai 2011 dat Oplösen van den Vereen beslaten.

Tokieker, Inszeneern, Opföhrungen[ännern | Bornkood ännern]

Johren Inszeneern Opföhrungen Tokieker Tokiekersnitt
2000 62 758 150.942 199
2001 59 758 149.014 197
2002 64 748 145.520 195
2003 55 727 128.888 177
2004 60 715 128.787 176
2005 63 803 139.955 174
2006 61 713 129.942 182
2007 58 715 131.651 181
2008 65 774 142.161 177
2009 62 758 138.402 183
2010 62 816 142.035 174
2011 59 763 124.163 163
2012 65 752 134.353 179
2013 58 754 126.583 168
2014 59 703 119.409 170
2015 60 669 105.402 157
Gesamt 972 11.926 2.137.207 179

[1]

Qualitätssekerung, Födderung un Tokunft[ännern | Bornkood ännern]

De Nedderdüütsch Bühnbund warrt siet 1953 van’t Land Neddersassen föddert. Siet 2008 as Deel van de Säule Kulturelles Erbe över den Neddersassischen Heimatbund. De anslaten Bühnen un Theater sünd egenstännig un arbeit un erfüllt ehre Opgaven ideell un gemeennützig. De Bund will över dat Theaterspeel dat Hollen und Plegen van de Nedderdüütsche Spraak förddert weten. Wieterhen föhrt he Ut- un Fortbildungsseminare för Atem un Phonetik, Beleuchtung, Bühnenbildgestaltung und -bau, Dramaturgie, Schminken un Maske, Regie, Gesang un Schauspeelünnerricht dör. Dat dat Theaterspeel van de darstellerische Qualität beter warrt, warrt opto Berufsregisseure för de den Bühnenbund tohörenden Bühnen verplicht’t.

Bit nu hebbt se sik drapen:

  • 2008: 1. Nedderdüütsch Jugendtheaterfestival in Neeborg
  • 2009: Jugendtheaterworkcamp in Willemshaven (bi den Grooten Gemeensamen Bühndag)
  • 2010: 2. Nedderdüütsch Jugendtheaterfestival in Oosterholt-Scharmbeek
  • 2011: 3. Nedderdüütsch Jugendtheaterfestival in Ollenborg
  • 2012: 4. Nedderdüütsch Jugendtheaterfestival in Cuxhoben
  • 2013: 5. Nedderdüütsch Jugendtheaterfestival in Drangst bi Bremerhoben
  • 2014: 6. Nedderdüütsch Jugendtheaterfestival in Wiesmoor
  • 2015: 7. Nedderdüütsch Jugendtheaterfestival in Braak
  • 2016: 8. Nedderdüütsch Jugendtheaterfestival in Wiesmoor

Präsidenten vann Bühnbund Neddersassen un Bremen[ännern | Bornkood ännern]

  • Willy Beutz: 1961–1980, dorno Ehrenpräsident († 1986)
  • Walter Ernst: 1980–1986, dorno Ehrenpräsident († 24. Dezember 2012)
  • Arnold Cordsen: 1986–1995, dorno Ehrenpräsident († 12. April 2015)
  • Karin Evers-Meyer: 1995–2005, dorna Ehrenpräsidentin
  • Arnold Preuß: siet 2005 - vandagen

Weblenken[ännern | Bornkood ännern]

  1. Homepage Bühnenbund, aufgerufen April 2014