Miljöpartiet de Gröna

Vun Wikipedia
Wesseln na: Navigatschoon, Söök

Miljöpartiet de Gröna (Ümweltpartei – De Grönen) is de Naam vun en politische Partei in’n sweedschen Rieksdag. De Grönen in Sweden hebbt keen Parteivörsitter, man Parteisprekers. Siet 2002 sünd dat Maria Wetterstrand un Peter Eriksson. Bi de Rieksdagswahlen 2006 hebbt de Grönen 5,24 % vun de Stimmen un 19 vun 349 Mandaten kregen.

Historie[ännern | Bornkood ännern]

De Grönen in Sweden sünd ut de alternative Bewegen, de Ümweltbewegen un de Anti-Atomkraft-Bewegen vun de 1970er Johren tostannen kamen. Se hebbt sik 1981 as politische Partei organiseert. In’n Nahall vun de Reakterkatastrooph vun Tschernobyl, de Skandinavien deelwies dull drapen hett, künnen de Grönen bi de Wahl vun 1988 de Veerprozenthürd överwinnen un in den Rieksdag intehn.

Karnrebeden vun Miljöpartiet de Gröna sünd de Ümweltpolitik un en eendüdige Positschoon gegen de Europääsche Union. In de Wahlen vun 1991 hett de Partei de Veerprozenthürd knapp verfehlt, man se harrn Sitten in en Reeg vun Provinzlanddaag un Gemeenrööt. 1994 sünd se wedder torüch in dat Parlament kamen un 1998 hebbt se en parlamentaarsche Tosamenarbeit mit de sozialdemokraatschen Minnerheitsregeeren inleidt, de bit to de Wahlen 2006 Bestand harr.

Parteisprekers[ännern | Bornkood ännern]

Resultaten bi de Rieksdagwahlen[ännern | Bornkood ännern]

Na Angaven vun Statistiska Centralbyrån[1]

  • 1982: 1,65 %
  • 1985: 1,50 %
  • 1988: 5,53 %
  • 1991: 3,38 %
  • 1994: 5,02 %
  • 1998: 4,49 %
  • 2002: 4,65 %
  • 2006: 5,24 %
  • 2010: 7,34 %

Borns[ännern | Bornkood ännern]

  1. Histoorsche Resultaten vun’t Statistiska Centralbyrån afropen an’n 2. September 2012

Websteden[ännern | Bornkood ännern]