Mike Figgis
Michael Lawrence Dundus Figgis (* 28. Februar 1948 in Carlisle, Cumbria, England) is en britischen Filmspeelbaas, Filmkomponist, Dreihbookschriever, Filmproduzent un Schauspeler.
Leven un Wark
[ännern | Bornkood ännern]Figgis is in Nairobi opwossen un hett later in London Musik studeert, woneem he de R&B-Grupp The Gas Board grünnt hett. To de Liddmaten vun de Grupp hett ok Bryan Ferry tohöört. Dorna hett he sik de engelschen Theatergrupp The People Show anslaten. Nadem he bi de National Film and Television School aflehnt worrn is, hett Figgis op egen Kosten den Feernsehfilm The House maakt, mit den he sik de Döör in’t kommerzielle Filmgewarf apen maakt hett.
Na Arbeiten an Musikvideos hett he 1988 mit Stormy Monday sien eersten Kinofilm maakt. In de Johren 1990 un 1993 harr he Spood mit de Filmen Internal Affairs un Mr. Jones – beide mit Richard Gere. 1994 kreeg he veel Acht bi de Neeverfilmen vun The Browning Version. Sien bekanntsten Film weer een Johr later Leaving Las Vegas för den he tweemol för den Oscar nomineert worrn is. Dorna künn Figgis aver nich mehr an den groten Spood anknütten.
För den Timecode hett Figgis en ne’e Oort vun Steadycam utklamüstert: en eenfack Rad, wo in de Mitt de Kamera fast makkt is. Hollen warrt dat Instrument, dat ok as FigRig betekent warrt, as en Lenkrad. Manfrotto vermarktet dat Produkt 2006 in Tosamenarbeit mit Figgis.
Filmografie (Utwahl)
[ännern | Bornkood ännern]| Johr | Titel | Funkschoon | Synchroonsnacker |
|---|---|---|---|
| 1984 | The House, Feernsehn | Speelbaas Dreihbook Komponist |
— |
| 1988 | Stormy Monday | Speelbaas Dreihbook Komponist |
— |
| 1990 | Internal Affairs dt.: Internal Affairs – Trau’ ihm, er ist ein Cop |
Speelbaas Schauspeler Komponist |
|
| 1991 | Liebestraum dt.: Todestraum – Der letzte Zeuge schweigt |
Speelbaas Dreihbook Komponist |
— |
| 1993 | Mr. Jones | Speelbaas | — |
| 1995 | Leaving Las Vegas dt.: Leaving Las Vegas – Liebe bis in den Tod |
Speelbaas Dreihbook Komponist Schauspeler |
|
| 1997 | One Night Stand | Speelbaas Dreihbook Produzent Komponist Schauspeler |
Stefan Fredrich |
| 1999 | The Loss of Sexual Innocence | Speelbaas Dreihbook Produzent Komponist |
— |
| 2000 | Timecode | Speelbaas Story Produzent Komponist |
— |
| 2001 | Hotel | Speelbaas Story Produzent Komponist |
— |
| 2003 | Cold Creek Manor dt.: Cold Creek Manor – Das Haus am Fluss |
Speelbaas Produzent Komponist |
— |
| 2008 | Love Live Long | Speelbaas Dreihbook Kamera Dreihbook Komponist |
— |
| 2010 | The Co(te)lette Film | Speelbaas | — |
| 2012 | Suspension of Disbelief | Speelbaas | — |
Utteken
[ännern | Bornkood ännern]Figgis is bit hüüt (Mai 2013) för meist dörtig Filmpriesen vörslahn wesen, dorünner ok in twee Kategorien för den Oscar för sien Film Leaving Las Vegas. Wunnen hett he bis hüüt negen Priesen, as ünner annern:
- 1988: den Sünnerpries vun’n Mystfest för Stormy Monday
- 1995: den LAFCA Award in de Kategorie Best Speelbaas för Leaving Las Vegas
- 1996: den DFWFCA Award in de Kategorie Best Speelbaas för Leaving Las Vegas
- 1996: den Independent Spirit Award in de Kategorie Best Speelbaas för Leaving Las Vegas
- 1996: den NSFC Award in de Kategorie Best Speelbaas för Leaving Las Vegas
- 2000: den Sünnerpries vun de Jury vun de British Independent Film Awards
- 2006: den Capri Legend Award
Weblenken
[ännern | Bornkood ännern]
- Mike Figgis in de Internet Movie Database (hoochdüütsch)
- Biografie vun Mike Figgis bi BFI Screenonline (engelsch)