Max Lindow

Max Lindow (* 28. Mai 1875 in Fahrenwalde; † 25. April 1950 in Dargezin) weer en plattdüütschen Schriever in uckermarksch Mundort.

Lindow is 1875 in Fahrenwalde as Söhn vun’n Schoolmeester Johann Friedrich Wilhelm Lindow boren. He weer 1891 bet 1892 op de Präparandenanstalt in Joachimsthal un vun 1893 bet 1896 op dat Lehrerseminar in Prenzlau. He hett denn en Tiet as Schoolmeester in Brüssow arbeidt un vun 1908 af an in Prenzlau. Dor hett he mit Ernst Ziemendorf tosamm'n 1912 ok den plattdüütschen Vereen Unnern Widenboom grünnt. Mit siene Bidrääg in’n Uckermärkischen Kurier hett he as plattdüütschen Schriever in de Uckermark veel Frünn funnen. Ünner annern hett he ok dat Uckermarkerleed schreven. Begraven is he in Prenzlau.

In Prenzlau heet hüüt ok ene Straat un en School na em.

Warken

• Bi uns to Hus. Plattdütsche Gedicht’n un Geschicht’n in uckermarksch Mundort. Vincent, Prenzlau 1921
• De Piepershoff. Een Volksstück in 5 Uptög in Uckermarksch Mundort. Vincent, Prenzlau 1922
• Afsied van d’Stroot. Vincent, Prenzlau 1925
• Hans un de Ries’. En lustig Märchenspäl met Gesang in 4 Uptög. Danner, Mühlhausen in Thüringen 1930
• Unner’n Widenboom. Een plattdüütsch Liederbook för de Uckermark. rutgeven von W. Groß un Max Lindow; Vlg. Vincent, Prenzlau

Hoochdüütsch

• Juhuuuu! - Kasperstücke für die Schule. Verlag Julius Beltz, Berlin
• Die Försterkinder. Verlag Julius Beltz, Berlin
• Sohnemann. Verlag Julius Beltz, Berlin
• Müllerfritz. (Sohnemann Teil II), Verlag Julius Beltz, Berlin
• Liebes Füchslein, lass dir raten (Tiergeschichten). Verlag Julius Beltz, Berlin
• Hans Unrast. Franz-Schneider-Verlag, Leipzig 1932
• Försterliesel. Verlag Julius Beltz, Berlin 1938
• Butzebutz (Tiergeschichten). Verlag Julius Beltz, Berlin
• Sonnenaugenkind. Verlag Julius Beltz, Berlin
• Soldat bleibt Soldat. Ein lustiges Soldatenstück. 1937
• Hüter der Scholle. Bauernkomödie 1938
• Die Schlacht von Angermünde 1420. 1939

(De Böker in’n Verlag Julius Beltz Vlg. sünd rutkamen in de Reeg Aus deutschem Schrifttum und deutscher Kultur)

Weblenken

• Max Lindow in de PBuB (hoochdüütsch)