Leonid Denissowitsch Kisim

Vun Wikipedia
Wesseln na: Navigatschoon, Söök

Leonid Denissowitsch Kisim, russisch:Леонид Денисович Кизим, weetenschaplich Transliteration Leonid Denisovič Kizim; * 5. August 1941 in Krasnij Liman, Oblast Donezk, Ukrainische SSR; † 14. Juni 2010) weer en sowjetischer Kosmonaut.

De Testpilot un Fallschirmspringer vun de sowjeetsch Luftstrietkraften hett de Luftwapenhoochschool afslooten. Nahdem he an‘ 23. Oktober 1965 dör dat Kosmonauten-Trainingszentrum utwählt wurrn weer, hett he vun November 1965 bit Dezember 1967 de Kosmonautengrundutbilden OKP absolveert. Kisim weer in de Folgetiet mehrfak Ersatzmann för Sojus-Missionen, bit he an‘ 27. November 1980 as Kummandant vun de neegente Gastmannschap vun Saljut 6 mit Sojus T-3 in den Weltruum floog. 1984 weer he denn Kummandant vun de darte Stammbesatzung vun Saljut 7, Saljut 7 EO-3 un floog mit Sojus T-10. An‘ 2. Oktober 1984 kehrt he mit Sojus T-11 torüch. Sien Upenhalt düer 236 Daag. In disse Tiet ünnernehm Kisim söss so nömmt EVA’s, hööftsächlich för Reparaturen un Utbauten vun Saljut 7.

Dat letzte Mal floog Kisim 1986 als Kummandant vun de eerste Stammbesatzung vun de Ruumstation Mir mit Sojus T-15. Up disse Mission ünnernehm Kisim twee Butenboordarbeiten, um den Gittermast vun de Mir uptobauen un Experimente to bargen.

Nahdem Leonid Kisim an‘ 13. Juni 1987 ut dat Kosmonautenkorps utscheeden weer, wurr he stellvertredend Direkter vun dat Satellitenkontrollzentrums vun dat sowjeetsch Verteidigungsministerium. Van Mai 1995 bit to sien Versetten in den Ruhestand 2001 weer Leonid Kisim Direkte vun de militärisch Ingenieursakademie för Luft- un Ruumfohrt in Sankt Petersburg. Sietdem weer he Generaloberst vun de Reserve vun de russisch Luftstrietkraften.

Kisim weer vereheiraadt un harr twee Kiner. Sien Dochter wurr boren, as he in’t All weer. He hett hör to’n eerstan Mal sehn, as se 4 Maand old weer.

Literatur[ännern | Bornkood ännern]

  • Peter Stache, Raumfahrer von A bis Z, Militärverlag der Deutschen Demokratischen Republik, Berlin [Ost], 1988 SBN = 3-327-00527-3

Weblenken[ännern | Bornkood ännern]