Lajos Portisch

Vun Wikipedia
Wesseln na: Navigatschoon, Söök
Lajos Portisch (Upnahm van 2005)

Lajos Portisch [IPA:ˈlɒjoʃ ˈportiʃ] (* 4. April 1937 in Zalaegerszeg) is en ungaarsch Schachspeler.

Lajos Portisch hett dat Schachspeel mit 12 Johr erlernt un hett sück sietdem immer mehr verbeetert. 1955 nehm he an de Jöögd-Weltmeesterschap in Antwerpen deel un keem dor up den 4. Platz. 1958 kreeg he den Titel vun en Internatschonal Meester.

Portisch bi de Schacholympiade 1980 in Malta

Tüschen 1958 un 1981 wunn he negen Mal de ungaarsche Meesterschap. Siet 1961 is Prtisch Grootmeester. Van 1956 bit 2000 speel he vör Ungarn bi de Schacholympiade un hett dorbi mehrere Rekorde upstellt: Meest Deelnahmen (20), speelt Partien (260) un wunnen Punkte (176,5). De gröttste Spood mit de Natschonalmannschap weer de Sieg bi de Schacholympiade 1978 in Buenos Aires vör dat favoriseert sowjertsch Team. Tüschen 1965 un 1989 hett sück Portisch söben Mal för dat Kandidatenturnier qualifizeert un keem dor 1977 un 1980 sogor bit in’t Halffinale, Weltmeester is he aber nich wurrn un gellt doher in Schachkrinken as „Eewig Tweet“.

Lajos Portisch (achtern links), László Szabó, Wolfgang Unzicker (stahnd rechts) bi de Europa-Mannschapsmeesterschap 1961

In‘ Januar 1980 erreich he sien best Elo-Tall vun 2655. He gellt as hervörragend Positschoonsspeler un is ok een vun de flietigst Grootmeester. Nah eegen Utsaag hett he sück över völ Johren jeden Dag acht Stünn mit Schach befaat. Tosommen mit Balázs Sárközy hett he 1986 en Book mit den Titel 600 Endspiele (ISBN 3-87144-810-9) veranpenlicht.

Portisch hett in Ungarn 2004 de hööchste sportlich Utteknung kreegen, he is Sportler der Nation wurrn.[1].

Sien aktuell Elo-Tall bedrocht 2544 (Stand: 2010).

Sien jüngerer Bröer Ferenc (* 9. April 1939) is ebenfalls Schachspeler un drocht den Titel vun en Internatschonal Meester.

Literatur[ännern | Bornkood ännern]

  • Egon Varnusz: Lajos Portisch. Verlag Harri Deutsch, Frankfurt am Main 1990. ISBN 3-8171-1101-0

Weblenken[ännern | Bornkood ännern]

Commons-logo.svg Lajos Portisch. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Lajos Portisch wurde Sportler der Nation