Krusenbusch (Hamborg)
.Krusenbusch.phb.ajb.jpg)
Altona_Hamburg_Harburg.jpg)
Krusenbusch (hoochdüütsch Krusenbusch) weer en lütt Eiland un Hoff, de op dat hüdige Rebeed von’n Hambörger Stadtdeel Willemsborg legen hett. Fröher hett Krusenbusch to Oolwarder höört. Vondaag is dat as Halvinsel en Deel von Kattwiek.
Geografie[ännern | Bornkood ännern]
Krusenbusch leeg fröher as Eiland in dat Binnendelta von de Elv in’n Süden von Hamborg. In’n Westen leeg de Köhlbrand un in’n Oosten de Reth. De Eilannen ümto weren Neehoff in’n Noordoosten, Kattwiek un Hogeschaar in’n Süden, Oolwarder in’n Westen un Waltershoff in’n Noordwesten.
Later hett sik Krusenbusch mit Kattwiek to een Eiland verbunnen.
Historie[ännern | Bornkood ännern]
Krusenbusch billt vondaag en Deel von’n Hambörger Haven un is kumplett beboot. Dor liggt nu en Autoterminal.
De Rararstatschoon in Krusenbusch is 1962 in Bedriev gahn.
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Oolwarder in’n Kanton Willemsborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör de Tied üm 1765 rüm to de Vaagdie Oolwarder in dat Amt Horborg höört un weer denn von 1765 af an in de Vaagdie Oolwarder un Finkwarder. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn. Mit dat Groot-Hamborg-Gesett is de Hoff to’n 1. April 1937 Deel von de Stadt Hamborg worrn.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 2 Füürsteden |
| 1824[2] | 2 Füürsteden |
| 1848[3] | 14 Lüüd, 1 Huus |
| 1. Dezember 1871[4] | 8 Lüüd, 1 Huus |
Religion[ännern | Bornkood ännern]
Krusenbusch weer evangeelsch-luthersch präägt un hett to dat Kaspel von de Gertruden-Kark in Oolwarder höört.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Krusenbusch is blots över de Kattwiekstraat mit Kattwiek in’n Süden verbunnen. Von dor geiht de Kattwiekdamm na Moorborg un de Hogeschaar-Straat na Neehoff un Willemsborg.
Footnoten[ännern | Bornkood ännern]
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 133: https://books.google.de/books?id=jN5QAAAAcAAJ&pg=RA1-PA133
- ↑ C. H. Jansen: Statistisches Handbuch des Königreichs Hannover. 1824, Sied 346: http://books.google.de/books?id=tG0AAAAAcAAJ&pg=PA346
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
Koordinaten:53° 31′ N, 9° 57′ O