Keith Haring

Vun Wikipedia
Wesseln na: Navigatschoon, Söök

Keith Haring (* 4. Mai 1958 in Reading, Pennsylvania, USA; † 16. Februar 1990 in New York, N.Y.) weer en US-amerikaanschen Künstler.

Leben[ännern | Bornkood ännern]

Anfang un Coming Out[ännern | Bornkood ännern]

Haring wasst in Kutztown up un interesseert sik vun lütt up an för Kunst. Vun 1976 bit 1978 studeert he „Werbegrafik“ up een privaat Kunstschool in Pittsburgh. As he bi sien Coming out dor mit rut kummt, dat he annersrum is, brickt he dat Studium wedder af un geiht nah New York. Dor finnt he een lebennig Szene vun de Homosexuellen vör. Depen Indruck maakt dormals de Graffiti-Kunst up em. In New York studeert he nu an de School of Visual Arts. Allerhand vun sien Kunstwarken wiest Motiven ut de Homoerotik.

De Lüde weert em wohr[ännern | Bornkood ännern]

Toeerst weert de Lüde em wohr, as he mit Kried up afdeckte Werbeschiller in de U-Bahn vun New York tekent. Vun düsse Biller maakt de Fotograaf Tseng Kwong Chi Fotos, de denn later bekannt weert. Dormals warrt ok dat „Strahlenbaby“ to sien Kennteken.

Vun 1980 af an stellt he in’n Club 57 ut. He maakt mit bi de Utstellung an den Times Square un tekent to’n eersten Mal Deerter mit Gesichten vun Minschen. 1981 kaamt em de eersten Biller mit Kalkfarv up Swart Papier vun’e Hand un he malt up Plastik, Metall un allerhand Tüüch, wat he funnen hett.

Liddmaat vun de Kunstszene[ännern | Bornkood ännern]

He maakt bi de „New York New Wave“ Utstellung mit un drippt sik mit den Graffiti-Künstler L.A.II (Angel Oritz). 1982 stellt he to'n eersten Mal alleen ut in de Tony Shafrzi Gallery. In dat sülbige Jahr maakt he mit bi de Documenta 7 in Kassel. 1983 is he bi de Biennalen in Whitney un in Sao Paulo mit bi. He lehrt Andy Warhol kennen.

Kunst in de ganze Welt[ännern | Bornkood ännern]

1984 malt he Wännen an in Sidney, Melbourne, Rio de Janeiro, Minneapolis un Manhattan. 1985 fangt he an un malt up Linnendook. To düsse Tiet maakt dat „Museum för Kunst in use Tiet“ in Bordeaux een Utstellung mit Warken bloß vun em. He is süms bi de Biennale in Paris mit dorbi. 1986 maakt he den Pop-Shop up. Dat is een Laden, wo siene Warken un de Afdrück dorvun verköfft weert. He malt Wännen an in Amsterdam, Paris, Phönix un in Berlin an'n Checkpoint Charlie an’n 26. Oktober 1986. He malt up dat Lief vun Grace Jones för de ehren neen Videoclip „I'm not perfect“. 1987 gifft dat Utstellen vun siene Warken in Helsinki un Antwerpen un noch annere Städer. För Tokio tekent he Stratenschiller. 1988 maakt he een Filial vun den Pop-Shop in Tokio up.

Dat leste Wark[ännern | Bornkood ännern]

Sien lest Wark malt he in de italieensche Stadt Pisa in de Toskana. Dor maalt he een groot Grafitti -Wandbild an een Huuswand, de to de St.-Antonius-Kark bi de Piazza Garibaldi up dat nördlich Öwer vun de Arno, dune bi den Bahnhoff, tohören deit. Düt Wark nömmt he Tutto Mondo (de ganze Welt).

Aids[ännern | Bornkood ännern]

1987 al sett he sik in bi de Benefiz-Utstellung Kunst gegen Aids. 1988 kümmt rut, dat he süms HIV- krank is. 1989 maakt he mit bi de Widespread Kampagne för dat Vörsorgen gegen Aids. De „Keith-Haring-Stiftung“ för gemeen Nütten warrt grünnt. 1990 is he vunwegen sien HIV-Krankheit storven.

Böker öber Keith Haring[ännern | Bornkood ännern]

  • Bernhard van Treeck: Das große Graffiti-Lexikon, Lexikon-Imprint-Verlag, Berlin, 2001, ISBN 3-89602-292-X
  • Bernhard van Treeck: Street Art Berlin, Schwarzkopf und Schwarzkopf, Berlin, 1999 ISBN 3-89602-191-5
  • Bernhard van Treeck: Wandzeichnungen, Edition aragon, Moers, 1995 ISBN 3-89535-424-4
  • Bernhard van Treeck: Graffiti Art #9 Wände, 1998 Schwarzkopf & Schwarzkopf (Düütschland) ISBN 3-89602-161-3
  • Bernhard van Treeck: Street Art Köln, 1996 Edition Aragon (Düütschland) ISBN 3-89535-434-1

Weblenken[ännern | Bornkood ännern]