Kön’hoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27419 | |
| Vörwahl: | 04282 | |
| Geograafsche Laag: | Koordinaten:53° 17′ N, 9° 30′ O53° 17′ N, 9° 30′ O | |
|
| ||
De Kön’hoff (hoochdüütsch Königshof) is en Hoff in de Gemeen Zittens (Samtgemeen Zittens) in’n Landkreis Rodenborg, Neddersassen. De Oort höört polietsch al von öllers bi Groot Zittens mit bi.
Geografie
[ännern | Bornkood ännern]De Kön’hoff liggt an de Oost. En Stück in’n Noordwesten münnt de Ramm in de Oost.
De Naveröörd sünd Nüddel in’n Noorden, Groot Zittens in’n Noordoosten, Lütt Zittens in’n Oosten, Appel in’n Süüdoosten, Hanschhorst in’n Süden, Homersen un Alpershusen in’n Süüdwesten, Volkens un Nindörp in’n Westen un Groot un Lütt Meckels in’n Noordwesten.
Historie
[ännern | Bornkood ännern]Bi’n Kön’höff liggt en olen Ringwall von en fröhere Borg.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
As 1960 Lütt Zittens mit Groot Zittens to de ne’e Gemeen Zittens tohoopleggt worrn sünd, is ok Kön’hoff Deel von disse Gemeen worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[1] | 1 Füürsteed |
| 1824[2] | 1 Füürsteed |
| 1848[3] | 7 Lüüd, 1 Huus |
| 1. Dezember 1871[4] | 13 Lüüd, 2 Hüüs |
Religion
[ännern | Bornkood ännern]Kön’hoff is evangeelsch-luthersch präägt un höört to dat Kaspel von de Dionysius-Kark in Zittens.
För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur
[ännern | Bornkood ännern]
De Hoff warrt vundaag as Freelichtbühn bruukt, woneem in’n Sommer plattdüütsch Theater speelt warrt.
In’n Westen von’n Kön’hoff liggt de Golfclub Kön’hoff Zittens, de 1990 anleggt worrn is.
Verkehr
[ännern | Bornkood ännern]Dör Kön’hoff liggt an en Blangenstraat von de Landsstraat 130, de in’n Noordoosten na Zittens un Obbens geiht un in’n Süden över Homersen un Helsch na Scheeßl an de Bundsstraat 75.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so dree Kilometer in’n Noordoosten von Kön’hoff.
De nächsten Bahnhööv sünd so bi 14 Kilometer wied weg in’n Süden/Süüdoosten de Bahnhoff Scheeßl un de Bahnhoff Lauenbrüch an de Bahnlien Hamborg–Bremen. Fröher hett dat in de Neegd ok en Bahnhoff an de Bahnlien Wilst–Töst geven. Dat weer de Bahnhoff Zittens twee Kilometer in’n Noordoosten. Dor hett dat von 1917 bet 1971 Personenverkehr geven.
Footnoten
[ännern | Bornkood ännern]- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 130: https://books.google.de/books?id=jN5QAAAAcAAJ&pg=RA1-PA130
- ↑ C. H. Jansen: Statistisches Handbuch des Königreichs Hannover. 1824, Sied 338: http://books.google.de/books?id=tG0AAAAAcAAJ&pg=PA338
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 172: https://books.google.de/books?id=qTZDAQAAMAAJ&pg=RA1-PA172