Julian Assange

Vun Wikipedia
Julian Assange (2014)

Julian Paul Assange (əˈsɑːnʒ; * 3. Juli 1971 in Townsville, Queensland, Australien) is een politischer Aktivist. He arbeid ook as en Journalist un is de Spreker vun WikiLeaks. He sütt sik sülvst nich as de Grünner. Vunwegen siene Arbeit bi WikiLeaks hett he sik veele Fiende maakt; op em löppt en ganzen Barg Verfahren un he hett in verscheden Länner Asyl beandragt, wieldat he vun allerhand Regeeren söcht ward.

An’n Dingsdag, den 7. Dezember 2010, hett he sik de Polizei vun London stellt. Se hett tegen em ermittelt wegen den Verdacht, he scholl twee Froon wat andaan hebben. Nu ward diskuteert, of England em an Sweden utlevern schall. In' Juni 2012 is he in de Botschap vun Ecuador in London flücht un hett dor um politisch Asyl beeden, wat in' August 2012 bewilligt wurr. Sietdem leevt he in de Botschap. Disse Ereignisse hebbt bannig internatschonale diplomatisch Verwicklungen utlööst.

Meenen[ännern | Bornkood ännern]

  • Tom Flanagan, en politischen Aktivisten un Raadgever vun den kanaadschen Ministerpräsidenten Stephen Harper, hett in dat Feernsehn vun Kanada seggt, Assange möss an de Siet maakt weern.[1] Later hett he dat wedder torüch nahmen. Man dor blifft he bi, dat Assange stoppt weern mutt.
  • 461 Journalisten ut verschedene Länner hefft ehre Unnerschrift unner en Schrieven sett, wo se Assange un Wikileaks Stütt un Stöhn in geevt. De beiden weert, so meent se, to Unrecht an’n Kaak stellt.[2]

Weblenken[ännern | Bornkood ännern]

Allgemeene[ännern | Bornkood ännern]

Interviews[ännern | Bornkood ännern]

Belege[ännern | Bornkood ännern]

  1. Harper advisor calls for assassination of Wikileaks director
  2. Journalists from more than 60 countries join in support for WikiLeaks, globalinvestigativejournalism.org, geraadpleegd op 4 december 2010