John-Brinckman-Pries

Vun Wikipedia

De John-Brinckman-Pries weer en Pries för plattdüütsche Schrievers, aver ok Wetenschoplers un Künstlers, de veel för de plattdüütsche Spraak daan harrn. He weer na den plattdüütschen Schriever John Brinckman nöömt.

1922 is he vun de Arbeidsgemeenschop vun de Rostocker Heimatverenen stift un bet 1936 acht Maal vergeven worrn. Jümmer in’n Rahmen vun’n Plattdüütschen Volksdag. 1936 hett em denn de Stadt Rostock övernahmen. Dorbi hebbt se em denn utwiedt un he schull nu allgemeen för Verdeensten üm de mekelbörgsche Schrieveree vergeven warrn. 1936 hett em denn mit Friedrich Griese ok glieks en Hoochdüütschen kregen. 1944 is he toletzt vergeven worrn.

[ännern] Winners (unvullstännig)

• 1923: Richard Wossidlo
• 1924: Karl Wagenfeld
• 1927: Richard Ohnsorg
• 1932: Ernst Voß
• 1935: Wilhelm Schmidt
• 1936: Friedrich Griese
• 1937: Theodor Jakobs
• 1938: Hans Ehrke
• 1941: Max Dreyer

Annere (Johr nich bekannt): Karl Seemann, Richard Wossidlo (noch en tweet Maal).