Johan Maurits van Nassau-Siegen

Vun Wikipedia
Johan Maurits

Johan Maurits van Nassau-Siegen (* 17. Juni 1604 in Dillenburg; † 20. Dezember 1679 in Berg und Tal bi Kleve) weer en nedderlandsch Humanist un vun 1637 bet 1644 de Guvernör vun dat nedderlandsche Brasilien.

He harr de Idee, in de Kolonierebeden in Brasilien en Kolonie optoboen, de nich blot op Hannel baseert, man ok op dat Inwannern vun nedderlandsche Siedlers. He grünn ünner annern de Stadt Mauritsstadt in de Kolonie. He bröch ok Künstlers un Wetenschoplers na Recife un grünn en Stadtraat, in den Katholiken, Protestanten un Juden tohoopseten. Dat weer aver gegen de Plään vun de Nedderlandsche Westindienkumpanie, de blot Hannel drieven wullen. So müss he 1644 na de Nedderlannen trüch. Teihn Johr later, in't Johr 1654, full denn de Kolonie trüch an de Portugesen.

Dat Mauritshüüs in Den Haag un en Museum in Recife sünd na em nöömt.