James Abram Garfield

Vun Wikipedia
Wesseln na: Navigatschoon, Söök

James Abram Garfield (* 19. November 1831 in Orange, Ohio; † 19. September 1881 in Elberon, New Jersey) weer een US-amerikaansche Politiker un de 20. Präsident van de USA.

James A. Garfield

He weer ursprünglich Mathematiker un Redner. Dorbi hett he ok good lehrt, to snacken, wat hüm nahst good hulpen hett. He harr een Collegeafsloot. Nebenbi hett he denn noch Juristeree studeert und is denn 1859 ok in de Politik gahn. In dat Johr is he in Ohio to’n Senator wählt wurrn.

In de Börgerkrieg weer he up de Siet van de Noordstaaten un is as Generalmajor uphollen. 1863 is he weer in de Politik gahn un hett sük bit 1878 immer för dat Repräsentantenhuus wählen laten. He we dor Finanzfachmann för de Republikaners. 1880 is he denn van sien Partei to’n Präsidentschaftskandidaten maakt wurrn un hett de Wahl denn ok wunnen.

He weer tegen Korruptschoon. Nahdem he faststellt hat, dat dat bi de Postverwaltung Schuuvereen geev, het he dor uprüümen laten. Een Stellenbewerber, de dorum nich sien Posten kregen harr, hett den an 2. Juli 1881 up hüm schoten.

Een Kugel in’t Rüch kunnen se ok mit een Metalldetektor nich finnen. Dat gung ok nich, wiels he bi de Ünnersökeree up een Bett mit Metallrahm liggen de. Dat hebbt se aber nicht murken. Dorto hebbt se hüm vööl mit Fingers statt mit sterile Instrumente ünnersöcht. Körtüm, Garfield, hett sük van de Kugel een Infektschoon totrucken un is denn an 19. September 1881 doran stürben.

He weer de eerste Präsident, de in sien Amtstiet stürben is, un wat bold noch schlimmer weer, se wussen dor gar nich so richtig, well dat Amt utföhren sull, as he schlecht leeg.

At he stürben weer, hett Chester Alan Arthur dat Amt bit to’n Ennen van de Legislaturperiood övernommen.

Garfield weer de letzte Präsident, de in een Blockhütt boren is un ut armselig Verhältnisse keem. He weer verheiraat und harr 7 Kinner.

Weblenken[ännern | Bornkood ännern]

Literatur[ännern | Bornkood ännern]

  • Rupp, Robert O. (Hrsg.): James A. Garfield. A Bibliography, (1998). Stellt de Forschungsliteratur bit 1998 tosammen.
  • Peskin, Allan: James A. Garfield: A Biography, (1987)
  • Clark, James C.: The Murder of James A. Garfield, (1994)