Jürgen Pooch
Jürgen Pooch (* 21. Mai 1943 in Önsterborg, Ostpreußen; † 18. August 1998 in de Törkie) weer en düütsch un plattdüütsch Volksschauspeler, Spreker un Schriever.
Leven
[ännern | Bornkood ännern]Nah Kriegsenn’, sien Vader weer 1944 in Kurland fallen, keem de gebörtige Ostpreuße Jürgen Pooch nah Flensborg, wo he an de dortig Plattdüütsch Bühne erst Theatererfohrungen as Statist, in’ Chorgesang un in lüttger Rullen sammeln dee. Nah en Lehre as Hannelskoopmann hett he en Schauspeelschool in Hamborg besöcht, de he mit Arbeiten an dat Thalia-Theater, an dat Ernst Deutsch Theater un an dat Ohnsorg-Theater betahlen dee. Sien eerst groot Rull an dat Ohnsorg-Theater harr he in Froonslüüd sind ook bloots Minschen, dör de he ansluutend en Verdrag kreeg. Anfangs speel he meest de Rull vun en jung Leevhebber, faken an de Siet vun Heidi Mahler, mit de he van 1981 bit 1985 verheiraadt weer, as bispeelswies 1970 in Trautes Heim mit Otto Lüthje, Heidi Kabel, Ernst Grabbe un Hilde Sicks. 1992 hett he Christel Basilon heiraadt.
As Schriever hett he eenig Theaterstücke in plattdüütsch överdragen (to’n Bispeel Ein Mann ist kein Mann vun Dagmar Seifert) un hett de as Speelbaas to’n Upführen brocht. Ok as Hörspeelsnacker is he af un to tätig ween, as in dat plattdüütsch Kriminalstück De Brillantring. Hier is he ünner de Regie vun Rudolf Beiswanger as Polizeimeester Krause uptreeden. Mit snackt bi dit Stück hemm ünner annern de Ohnsorg-Kollegen Ursula Hinrichs, Günther Siegmund und Karl-Heinz Kreienbaum.
1998 hett Pooch, de noch bi de Anfänge vun de Ohnsorg-TV-Upteeken mitwarkt harr, en Hartinfarkt kreegen. Dornah folgten en Bypass- un en Lungen-Operatschoon. Wiels en Urlaub in de Törkie is de krebskrank Pooch an akutem Hartverseggen storven.
Filmografie
[ännern | Bornkood ännern]- 1995: Großstadtrevier – Ihr Mörder, gnädige Frau
Warken
[ännern | Bornkood ännern]- Nu man suutje! CD Döntjes mit Schauspielern des Ohnsorg-Theaters, mit u. a. Heidi Mahler un Jürgen Pooch; Verlag Michael Jung, Kiel 2005, ISBN 3-89882-064-5.