Horst Köhler

Vun Wikipedia
Wesseln na: Navigatschoon, Söök
Horst Köhler 2007

Horst Köhler (* 22. Februar 1943 in Skierbieszów, Polen) weer von’n 1. Juli 2004 bet to’n 31. Mai 2010 as Bundspräsident Staatshööft vun Düütschland. He weer bit 4. März 2004 Geschäftsführender Direktor vun de Internationaalen Währungsfonds (IWF) un is Liddmaten vun'd CDU.

Biografie[ännern | Bornkood ännern]

Köhler is as en düütschstämmigen Buernsöhn un tweedjüngsten vun acht Kinner boren. Sien Öllern levden as Bessarabiendüütsche in Bessarabien´, wat dormols to Rumänien tohöörn dö (hüüt Moldawien). Köhler siene Öllern sünd mit annere Volksdüütsche toeerst in dat Düütsche Riek hoolt wurrn un later in dat damaalgen Generalgouvernement in de Kreishoofdmannschaft Zamość in'd Distrikt Lublin ansiedelt worrn. In'n Januar 1945 büx sien Mudder mit Horst und dree annern Geswistern vor de Roote Armee na Markkleeberg-Zöbigker ut. Dor bi Leipzig versöchen sien Öllern wieder, een Buernleven optobuen. As de Zwangskollektivierung vun de Landweertschop droh, hett de Familjie Köhler to Ostern 1953 de DDR verloten. De Flucht güng nu över West-Berlin in de Bunnsrepubliek Düütschland. Bit 1957 leevde Horst Köhler mit sien Familie in Flüchtlingslagers, bit se in Ludwigsburg en Hüsing kregen hefft. Horst Köhler seggt, Ludwigsburg is sien Heimoot, an'd dore Eduard-Mörike-Gymnasium hett he ok 1963 sien Abitur mookt (mit allen'd Veern).

Nu keem en twee Johr lang Wehrdiensttied as Tietsoldat bi de Panzergrenadieren in Ellwangen, he hett de Bundeswehr as Leutnant vun'd Reserve verloten. Vun 1965 bi 1969 studeerte Köhler an de Eberhard-Karls-Universität in'd schwäbsche Tübingen Volksweertschopslehr un Politikwetenschoppen. Vun 1969 bit 1976 is he an'd dore Institut för Angewandte Weertschopsforschung Assistent ween. Na över 20 Johr Tätigkeit in annern Bereichen (Finanz- un Währungspolitik) is he in'n Harvst 2003 an de Universtät, tosammen mit Wilhelm Rall, to en Honorarprofessor maakt wurrn.

Vun 1976 bi 1981 is he in'd Bunnsministerium för Weertschop in Bonn in de Grundsatzabteilung togange ween. 1981 is Horst Köhler Liddmaten vun'd CDU wurrn, een Johr loter wessel he up Vörslag vun Gerhard Stoltenberg, för de he vördem al arbeit' harr, as de in Sleswig Holsteen Ministerpräsident weer, na dat Finanzministerium.

Vun 1990 bi 1993 ward Köhler beamteten Staatssekretär in'd Bundsfinanzministerium as Nahfolger vun Hans Tietmeyer. He is verantwortlich ween för finanzielle un monetäre Beziehungen un domit de maßgebliche düütsche Unnerhändler bi de Verhandlungen för'd Maastricht-Verdrag un deelwies ok bi de Afspraken för de düütsche Wiedervereingung. As so nömmten Sherpa (Beamten un Raatgever, de Hölpsarbeiden övernümmt) vun'd damalgen Bundskanzler Helmut Kohl un ok as den sien persönlichen Vertreder hett he de G7-Wirtschaftsgipfel in Houston (1990), London (1991), München (1992) un Tokio (1993) vorbereit'.

1993 bit 1998 is he Präsident vun de Düütschen Sparkassen- un Giroverband ween un denn twee Johr lang (bit 2000) Präsident vun de Europääsche Bank för Wiederaufbau un Entwicklung (EBWE), de ehren Seet in London harrt hett.

In'd Johr 2000 is Köhler op Vörslag vun Budnskanzler Gerhard Schröder (SPD) as Geschäftsführenden Direktor för een Amtstied vun fief Johren vun'd Internatschonalen Geldfonds (IWF) wurrn. He is dor de Nahfolger vun Michel Camdessus wurrn, de an'd 14. Februar 2000 ophöört hett.

An’n 23. Mai 2004 is Horst Köhler to'n Bundspräsidenten vun de Bundsrepubliek Düütschland wählt worrn. Dit Amt hett he an 1. Juli 2004 antreden.

2009 is he för en tweet Amtstied wählt worrn. In’n Mai 2010 hett he bi sien Besöök bi de düütschen Truppen in Afghanistan seggt, dat dat bi de Utlandsinsätz ok üm de wirtschaftlichen Intressen von Düütschland geiht. Dat hett em en Barg Kritik inbröcht. Dorvon hett Köhler an’n 31. Mai 2010 sien Amt trüchgeven.

Horst Köhler is evangeelsch, verheirat mit Eva Köhler un hett twee Kinner.

Websteden[ännern | Bornkood ännern]

Commons-logo.svg Horst Köhler. Mehr Biller, Videos oder Audiodateien to’t Thema gifft dat bi Wikimedia Commons.
Wikiquote-logo.svg Op Wikiquote gifft dat Zitaten to, över oder vun „Horst Köhler“ (hoochdüütsch).