Honor Blackman

Vun Wikipedia
Wesseln na: Navigatschoon, Söök

Honor Blackman (* 12. Dezember 1927[1] oder 22. August 1925[2] in London) is en brittsche Schauspielersche.

Leven un Wark[ännern | Bornkood ännern]

As se ehrn Vadder övertüügt harr, dat för ehr Schauspeelünnerricht en fein Geschenk to’n Geboortsdag weer, hett se den Ünnerricht an de Guildhall School of Music and Drama kregen.

Bekannt worrn is se in Grootbritannien dör ehr Rullas Cathy Gale in de Feernsehreeg The Avengers an de Siet vun Patrick Macnee as John Steed. Internatschonal weer se bekannt för ehr Rull as Pussy Galore in den James-Bond-Film Goldfinger. För disse Rull weer se ut de Feernsehreeg utstegen. Man, ehr Bekanntheit in Grootbritannien jüst wegen disse Rull weer opletz tok de Grund, dat se för Goldfinger ünner Verdrag nahmen weer. Se weer to de Tiet al 36 Johren oolt un is dormit bit hüüt dat öllste Bond-Girl wesen. Bito is se ok een vun blots twee Bond-Girls, de öller weern as de Bond-Dorsteller sülvst. De annere weer Diana Rigg in On Her Majesty’s Secret Service, de ok vörher dör ehr Rull as Emma Peel in de Feernsehreeg The Avengers weltbekannt worrn weer.

Na vele Johren bi’n Film un op de Theaterbühn weer Honor Blackman in’t Johr 2004 wedder in en Feernehreeg to sehn. Se speel de Rula Romanoff in de brittschen Reeg Coronation Street. Se steiht bit hüüt noch aktiv vör de Kamera.

Blackman weer tweemol verheiraat, neemlich vun 1946 bit 1956 mit Bill Senkey un dorna vu 1963 bit 1975 mit den brittschen Schaupeler Maurice Kaufmann, mit den se 1971 in den Film Fright optreden is. Se hett twee Kinner, Barnaby un Lottie, adopteert. In’t Johr 2002 schüll se för ehr Verdeensten mit den Commander of the British Empire (CBE) ehrt warrn, hett de Utteken aver aflehnt.

Filmografie (Utwahl)[ännern | Bornkood ännern]

Johr Titel Synchroonsnacker
1948 Daughter of Darkness
dt.: Tochter der Finsternis
 
1949 A Boy, a Girl and a Bike  
1949 Diamond City
dt.: Männer, Mädchen, Diamanten
Marianne Kehlau
1949 Conspirator
dt.: Verschwörer
 
1950 So Long at the Fair
dt.: Paris um Mitternacht
 
1951 Green Grow the Rushes  
1954 Delavine Affair
dt.: Die Affäre Delavine
 
1955 Breakaway  
1957 You Pay Your Money  
1957 Account Rendered
dt.: Die Rechnung ist beglichen
 
1958 A Night to Remember
dt.: Die letzte Nacht der Titanic
 
1959-60 Probation Officer, Feernsehreeg  
1959-60 The Four Just Men, Feernsehreeg
dt.: Die vier Gerechten
 
1961 A Matter of WHO
dt.: Verpfiffen
 
1962-64 The Avengers, Feernsehreeg
dt.: Mit Schirm, Charme und Melone
Sabine Arnhold
1964 Goldfinger Margot Leonard
1965 The Secret of My Success
dt.: In den Fängen der schwarzen Spinne
 
1965 Life at the Top
dt.: Ein Platz ganz oben
Rosemarie Fendel
1968 Shalako
dt.: Man nennt mich Shalako
Gisela Reißmann
1968 Kampf um Rom Renate Küster
1970 Twinky
dt.: Der Amerikaner
 
1971 Something Big
dt.: El Capitano
Ingrid van Bergen
1972 Fright
dt.: Die Fratze
Bettina Schön
1976 To the Devil a Daughter
dt.: Die Braut des Satans
Dagmar Altrichter
1978 The Cat and the Canary
dt.: Die Katze und der Kanarienvogel
 
1990-96 The Upper Hand, Feernsehreeg  
1999 To Walk with Lions
dt.: To Walk with Lions – Jagd in Afrika
 
2001 Jack and the Beanstalk: The Real Story, Feernsehn
dt.: Jagd auf den Schatz des Riesen
Heidi Treutler
2004 Coronation Street, Feernsehfolgen  
2006 Jack Brown and the Curse of the Crown  
2010 Reuniting the Rubins  

Utteken[ännern | Bornkood ännern]

Honor Blackman is tweemol mit Filmpriesen uttekent worrn:

Borns[ännern | Bornkood ännern]

  1. www.imdb.com/name/nm0000303/
  2. www.filmstarts.de/personen/16045-Honor-Blackman.html

Weblenken[ännern | Bornkood ännern]

Commons-logo.svg Honor Blackman. Mehr Biller, Videos oder Audiodateien to’t Thema gifft dat bi Wikimedia Commons.