Hidatsa

Vun Wikipedia
Wesseln na: Navigatschoon, Söök
Ehmaliges Stammesrebeet vun de Hidatsa un hüüdig Reservatschoon in Noord-Dakota

De Hidatsa, ok Minitari oder Gros Ventres of the Missouri nömmt, sünd en noordamerikaansch Indianervolk ut de Sioux-Spraakfamilie. De Stamm hett an den böveren Missouri River tüschen Heart River un Little Missouri River in halfpermanent Dörper leevt.

Kultur[ännern | Bornkood ännern]

De Hidatsa weern en sesshaft Volk, dat in rund Hütten mit eerdbedeckten Daaken wahnen dee. Se hebbt Mais, Bohnen un Körbs (Squash) anbaut un bedreeven Pöttgeree. Mit Utnahm vun den Tabakanbau, de mit anner Stammen hannelt wurr, leeg de gesamte Feldarbeit bi de Fruen. De Mannlüüd gungen dorgegen up de Jagd up den Bison un anner Grootwild up dat Grasland un gungen up den Kriegspadd. De soziale Organisatschoon vun de Hidatsa de nah Öller afstuuft Kriegerbünde umfaaten dee, deren Liddmaatschap per Koop erwurben wurr. Buterdem geev dat verscheeden Clans un sozial Sellschoppen. Dat Verarven passeer up de Moders Lien. As bi anner Plainsstammen ok weer de Sünnendanz de wichtigst Zeremonie, de ok en Sülvstfolterung as Inholt harr.

Pehriska-Ruhpa, en Minitari-Krieger in dat Kostüm vun den Hunnendanz. Gemälde vun Karl Bodmer

De Spraak vun de Hidatsa is an' engsten mit de Spraak vun de Absarokee verwandt, mit de se vör de historsch Tiet vereenigt weern. Kulturell weern se ähnlich as de Mandan, en Ergevnis vun mehr as 200 Johren fortdüern un freedlich Gemeenschap. In den letzt Johren vun dat 18. Johrhunnert geev dat mehr as 2.000 Hidatsa, de mit de Mandan tosommen en zentraal Stellung in dat wiet Hannelsnett vun de nördlich Plains besetten dee. Se hebbt Peer, Leerkleedasch un Büffelroben vun de nomadischen kriegerisch Völker in' Westen köfft un mit europäisch Händler tegen Gewehre, Messten un anner europäisch Woren.

Historie[ännern | Bornkood ännern]

1837 wurr de Stamm dör en Pockenepidemie so entscheedend minneseert, dat se blots noch in een Dörp wahnen deen. De fortwährenden Schikanen vun de feendlich Dakota dwungen hör, dat Dörp nah Fort Berthold to verleggen un sück mit den Mandan 1845 un den Arikara 1862 ut Verteidigungsgrünnen to vereenigen. Siet dat Inrichten vun en düersam Indianerbüro 1868 sünd de Hidatsa, Mandan un Arikara gemeensam as de "dree verbunnen Stammen" (Three Affiliated Tribes) bekannt un leven dor tosommen in de Fort-Berthold-Reservation in North Dakota. Dat Volkstellen ut dat Johr 2000 ergeev 624 Stammesliddmaaten vun de Hidatsa. In' Gegensatz to de Spraaken vun de Mandan un Arikara, de akut vun' Verschwinden bedroht sünd, wurr de Hidatsa-Spraak nah en Tellen 2000 noch vun 508 Minschen snackt.[1]

Kiek ok[ännern | Bornkood ännern]

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Hidatsa. Mehr Biller, Videos oder Audiodateien to’t Thema gifft dat bi Wikimedia Commons.

Anmarken[ännern | Bornkood ännern]

  1. Data Center States Results