Good Vierden
Dat Good Vierden (hoochdüütsch Gut Vierden) weer en Eddelgood in dat Dörp Vierden in de Gemeen Vierden (Samtgemeen Zittens) in’n Landkreis Rodenborg, Neddersassen.
Historie[ännern | Bornkood ännern]
Dat Good weer al 1358 Sitt von de Familie Schulte. Gerlach Schulte hett üm 1500 rüm in Vierden en faste Borg mit Bargfreed un Watergravens anleggen laten. He is 1508 von Arzbischop Johann Rode sien Lüüd belagert worrn, nadem he den Hannel twüschen Stood un Buxthu stöört harr. Dorbi is de Borg in Brand steken worrn.[1]
Dat Good is jümmer an de Schulteschen Söhns wiederverarvt worrn bet 1745. 1751 hett Caspar Schulte ut Borgzittens dat Good köfft.[1]
Nadem Alexander von Schulte sien Besitt dörbrocht harr, hett 1880 de Kloosterkamer Hannover siene Länner köfft.[1]
Bet 1884 is dat Good verpacht ween. Denn wull de Kloosterkamer dat verköpen. As se för dat Good in’t Ganze nicht noog Geld kriegen schullen, hebbt se dat Land parzellenwies verköfft. De Rest is opforst worrn un billt vondaag dat Vierdener Holt.[1]
In dat Wapen von de Gemeen Vierden is vondaag de ole Borg afbillt.
Goodsherrn[ännern | Bornkood ännern]
- ~1500: Gerlach Schulte
- ~1578: Detlev Schulte
- ~1650: Christoph Schulte
- ~1660: Detlev Schulte
- 1751–: Caspar Schulte
- –1846: Caspar Detlev von Schulte
- 1848–: Alexander von Schulte
Verwaltungsgeschicht[ännern | Bornkood ännern]
De Oort hett vör 1885 to de Böörd Zittens in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
Inwahnertall[ännern | Bornkood ännern]
| Johr | Inwahners |
|---|---|
| 1848[2] | 13 Lüüd, 1 Huus |
Religion[ännern | Bornkood ännern]
Dat Good Vierden is evangeelsch-luthersch präägt un höört to dat Kaspel von de Dionysius-Kark in Zittens.
För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.
Footnoten[ännern | Bornkood ännern]
- ↑ a b c d Geschichte des Gutes / der Burg / des Schlosses in Vierden
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
Koordinaten:53° 20′ N, 9° 30′ O