Giovanni van Bronckhorst

Giovanni Christiaan „Gio“ van Bronckhorst (* 5. Februar 1975 in Rotterdam, Nedderlannen) is en ehmalger nedderlannsch Footballspeler un hüüd Footballtrainer mit molukksch-indoneesch Wuddels.

Mit Feyenoord Rotterdam weer van Bronckhorst Nedderlannsch Pokalsieger, mit den Rangers Schottischer Meester un Pokalsieger, mit den FC Arsenal Engelsch Meester un Pokalsieger. Mit den FC Barcelona wunn he de Spaansch Meesterschap un de UEFA Champions League. Toletzt stunn he weer bi sien Stammvereen Feyenoord in Rotterdam ünner Verdrag. De in‘t Middelfeld un as Linksverteidiger insett Natschonalspeler weer Kapitän vun Feyenoord un de nedderlannsch Footballnatschonalmannschap, de he in sien letzt Turnier in dat Finale vun de Weltmeesterschap 2010 in Südafrika führen dee. Siet sien Tiet bi den FC Barcelona wurrd he kört Gio ropen.

Vereen[ännern | Bornkood ännern]

Anfänge in de Eredivisie[ännern | Bornkood ännern]

Van Bronckhorst keem as Kind vun LMO Rotterdam to Feyenoord, wo he in de folgend 11Johren all Jöögdmannschapen dörleep. Hier kreeg he ok 1993 sien eersten Profiverdrag. In sien eerst Saison keem he dor aber noch nich togang un wurr an den Ligakonkurrenten RKC Waalwijk utlehnt, wo ok all de Rotterdamer Alfred Schreuder vör de Saison wesselt weer. Van Bronckhorst hett 12 Spelen maakt, in de he twee Doren scheeten dee. Dat Team kunn in de Relegatschoon de Klass hollen. De Leistungen vun van Bronckhorst weern so goot, dat man hüm weer nah Feyenoord torüchhaalt hett.

An‘n 21. September 1994 stunn he bi den 4:0-Sieg in Heerenveen in dat linke Middelfeld neben Henrik Larsson, Regi Blinker, Henk Fräser un Routinier Arnold Scholten eerstmals in dat root-witt Trikot vun de Rotterdamer up den Platz. An dat Enn’n vun de Saison 1994/95 kunn he mit Feyenoord, to de Tiet traineert vun Willem van Hanegem, sien eersten Titel fiern, den Gewinn vun den KNVB-Pokal. In dat folgend Johr wurr he Stammspeler, aber en Titel hett he weder ünner van Hanegem noch vun de sien Nahfolgers Arie Haan un Leo Beenhakker hett he dornah eerstmal nich mehr wunnen.

Wessel nah Grootbritannien[ännern | Bornkood ännern]

To de Saison 1998/99 is van Bronckhorst – gemeensam mit sien Natschonalmannschapskameraden Arthur Numan vun PSV – to den schottschen Spitzenclub Rangers FC nah Glasgow wesselt, wo hör Landsmann Dick Advocaat jüst dat Traineramt övernommen harr. DE Investitschonen vun Stahlmagnat un Rangers-Boss David Murray hemm sück tonächst betahlt maak: De Club wunn in de Saison 1998/99 de schottsch Meesterschap, wunn den Pokal un ok den Ligapokal un stunn dormit düütlich beter as de Konkurrent Celtic FC. In de folgend Saison wunne se nochmal de Meesterschap und ok den Pokal.

Nah de Saison 2000/01 stunnen se an dat Saisonenn’n ahn Titel dor; van Bronckhorst is denn to’n engelschen Viezmeester FC Arsenal nah London wessel, wor Arsène Wenger jüst de Mannschap umbauen dee. Hier sull he in’t Middelfeld Emmanuel Petit ersetten, harr aber mit Sylvain Wiltord, Freddie Ljungberg, Ray Parlour un in de folgend Saison Eduardo César Gaspar un Gilberto Silva starke Konkurrenz. Dorto keem noch en Kneebesehren, de hüm wiet torüchschmieten dee. Letztlich keem he bi de Englänner nich so richtig togang, ok wenn Arsenal 2002 dat Double winnen dee un 2003 den Pokal.

Tiet bi den FC Barcelona[ännern | Bornkood ännern]

To de Saison 2003/04 is van Bronckhorst in de Primera División to’n FC Barcelona, wo sien ehmalger Bondscoach Frank Rijkaard dat Traineramt övernommen harr. Bi Rijkaard harr he all in de Natschonalmannschap links in de Afwehr speelt; disse Rull övernehm he nu ok bi de Katalanen in en Afwehr, in de to disse Tiet ünner annern ok Carles Puyol, Phillip Cocu, Rafael Márquez un Michael Reiziger spelen deen. Wiel för Spanier un Katalanen „van Bronckhorst“ nich uttosnacken weer, kreeg he en nee Naam – as Gio, de Afkörten vun sien Vörnaam, keem he up den Hööchstpunkt vun sien footballerisch Schaafen. De nedderlannsch Fraktschoon – neben Gio, Cocu, Reiziger un Trainer Rijkaard weern in de Saison 2003/04 noch Patrick Kluivert, Marc Overmars un Edgar Davids, later ok Mark van Bommel – un Weltklassespeler as Ronaldinho un nah 2004 Samuel Eto’o, Deco oder Ludovic Giuly hemm Barça torüch an de Tipp vun den spaanschen un europääschen Football torüchführt. Nah den tweeten Platz 2004 wurr dat Team 2005 un 2006 Spaansch Meester, dorto keem de Champions-League-Sieg 2006.

Enn’n vun sien Loopbahn bi sien Stammvereen[ännern | Bornkood ännern]

To de Saison 2007/08 gung he torüch to Feyenoord, wo he vun de Positschoon vun den Linksverteidiger –de de vun AZ to glieker Tiet wesselt Tim de Cler övernehm – weer in’t Middelfeld wessel. Mit de Rotterdamern kunn he 2008 noch eenmal den KNVB-Pokal winnen. Ofaschons he blots noch in de Natschonalmannschap as Linksverteidigerupleep, hett hüm sien ehmalger Mannschapskamerad vun Barcelona, Lionel Messi, Anfang 2009 up disse Positschoon as „besten linken Verteidiger der Welt“ in sien fiktive Weltutwahl wählt.

Nah de WM 2010 hett he sien aktiv Loopbahn afslooten.^[1]

Natschonalmannschap (1996–2010)[ännern | Bornkood ännern]

Bondscoach Guus Hiddink hett den jungen Feyenoord-Speler 1996 eerstmals in de nedderlannsch Natschonalmannschap beropen, ok hier weer as Middelfeldspeler. Sien eerst Lännerspeel hett he an’n 31. August 1996 in Amsterdam gegen de Mannschap vun Brasilien maakt, gtüschen Routiniers as Frank und Ronald de Boer un Dennis Bergkamp. Ok sien Vereenskamerad Jean-Paul van Gastel hett dorbi sien eerst Lännerspeel maakt un in de letzt Minüüt vun dat Lännerspeel sien eerst Door schaaten (Elfmeter to’n 2:2 Endstand).

Bi de Football-Weltmeesterschap 1998 stunn he woll in den WM-Kader, keem aber nich to’n Insatz.

In sien teihnt Lännerspeel hett hüm Bondscoach Frank Rijkaard eerstmals as Linksverteidiger in de Startformatschoon sett. He löös up disse Positschoon Arthur Numan af, de hüm nu blots noch ersetten dee, wenn van Bronckhorst nich spelen dee. So nehm he ok an de Football-Europameesterschap 2000 deel. För de WM 2002 weer de nedderlannsch Natschonalmannschap nicht qualifizeert. Dorför kunn he an de Football-Weltmeesterschap 2004 un de Europameesterschap 2008 deelnehmen.

Bi de Football-Weltmeesterschap 2010 reck de nedderlannsch Mannschap ünner de Führung vun van Bronckhorst Führung dat Finale. Dor weer de Mannschap eerst in de Verlängerung gegen Spanien mit 0:1 ünnerleegen. Van Bronckhorst wurr in de 105. Minüüt för Edson Braafheid utwesselt, dat weer denn dat letzt Speel in sien Loopbahn. In 106 Lännerspelen hett he 6 Doren schaaten. För den WM-Erfolg 2010 wurr he nah dat Turnier vun Königin Beatrix to’n Ridder slahn.^[2]

Siet 2007 hett van Bronckhorst Edwin van der Sar bi de sien Afwesenheit as Mannschapskapitän vertreeden, nah de sien Rückträe 2008 övernehm he de Kapitänsrull.

Loopbahn as Trainer[ännern | Bornkood ännern]

Nah sien aktiv Loopbahn wurr van Bronckhorst Trainer bi Feyenoord. To de Saison 2015/16 hett he de eerste Mannschap övernommen un wunn ok glieks den Pokal. Twee Johr later hett he sogor dat Double (Meesterschap un Pokal) haalt. To’n 1. Juni 2019 wurr Jaap Stam sien Nahfolger as Cheftrainer.^[3]

Utteknungen[ännern | Bornkood ännern]

2010 wurr he in Rotterdam neben de Triathletin Yvonne van Vlerken to’n „Sportler vun dat Johr“ wählt
Ridder vun den Orden vun Oranien-Nassau as Kapitän vun den Viezweltmeester 2010