Franz Beckenbauer

Vun Wikipedia
Franz Beckenbauer 2006

Franz Anton Beckenbauer (* 11. September 1945 in München; † 7. Januar 2024 in Soltborg, Öösterriek), ok De Kaiser nöömmt, weer en düütsch Footballspeler, -trainer un Funktschonär. He weer Viezpräsidenten vun de Düütsch Footballbund (DFB), Präsident vun de FC Bayern München as ok Upsichtsratvörsitter vun de FC Bayern München AG. Todem weer he Präsident vun dat Organisatschoonskommittee för de Football-Weltmeesterschaap 2006.

Football-Loopbahn[ännern | Bornkood ännern]

Van 1959 bit 1964 hett he all in de Jöögdmannschap vun Bayern München speelt und is denn in de Herrenmannschap wesselt, mit de he bit 1977 insgesamt 427 Bundsliga-Spele makt hett. Dorbi hett he 60 Doren schaten. He weer Libero und hett mit sien domals modern Speel dat Footballspeel an sück matgeblich prägt. Van 1977 bit 1980 hett he bi Cosmos New York in de USA speelt, bit he weer in de Bundsliga torüchkommen is un bi den Hamburger SV anhüürt hett. Dor hett he bit 1982 nochmals 28 Spelen absolveert. Dornah is he noch mol för een Johr nah New York gahn.

In de Natschonalmannschap hett he van 1965 bit 1977 insgesamt 103 Spelen makt un dorbi 14 Doren schaten. To de Tiet weer he dormit Rekordnatschonalspeler un ok de Eerste, de 100 Lännerspelen maakt harr.

Bit 1983 hett he aktiv Football speelt un gellt as en vun de beste Footballspelers överhoopt. He weer as Speler (1974) as ok as Trainer (1990) Football-Weltmeester.

Erfolge[ännern | Bornkood ännern]

Erfolge as Speler[ännern | Bornkood ännern]

  • Football-Weltmeester (1974)
  • Football-Europameester (1972)
  • Winner mit Bayern München bi de Europapokal vun de Landsmeesters in de Johren 1974, 1975 un 1976
  • Winner mit Bayern München bi de Europapokal vun de Pokalwinners 1967
  • Winner vun de DFB-Pokal mit Bayern München in de Johren 1966, 1967, 1969 un 1971
  • Düütsch Footballmeester mit Bayern München 1969, 1972, 1973, 1974 as ok mit den Hamburger SV 1982
  • US Liga: US-Meester (Soccer Bowl): (1977, 1978, 1980) mit Cosmos New York

Erfolge as Trainer[ännern | Bornkood ännern]

  • Weltmeester 1990 mit Düütschland
  • Viezweltmeester 1986 mit Düütschland
  • UEFA-Cup-Winner 1996 mit Bayern München
  • Düütsch Meester 1994 mit Bayern München
  • Tweet Platz in de Bundsliga 1996 mit Bayern München

Erfolge as Sportfunktschonär[ännern | Bornkood ännern]

  • He hett Bayern München to sien Tiet to de föhrend Vereen in Düütschland utboot
  • Wiel he sück dorför insett hett, is de Football-Weltmeesterschap 2006 nah Düütschland vergeven wurrn

Literatur[ännern | Bornkood ännern]

Film[ännern | Bornkood ännern]

  • Libero – Speelbaas: Wigbert Wicker (Deutschland 1973)

Ehrungen[ännern | Bornkood ännern]

He is Liddmaat vun Hall of Fame vun den Düütschen Sport und Dräger vun dat Bundsverdeenstkrüüz.

Weblenken[ännern | Bornkood ännern]

Franz Beckenbauer. Mehr Biller, Videos oder Audiodateien to’t Thema gifft dat bi Wikimedia Commons.

Einzelnahwies[ännern | Bornkood ännern]