Frank Anthony Wilczek

Vun Wikipedia
Wesseln na: Navigatschoon, Söök
Frank Wilczek 2004 an de Nobel Presse-Konferenz

Frank Anthony Wilczek (* 15. Mai 1951 in Queens, New York City) is en US-amerikanischer Physiker. He kreeg 2004 den Nobelpries för Physik.

Leven[ännern | Bornkood ännern]

De Söhn vun en italieensch Moder un en poolsch Vader gung in sien Gebortsoort Queens to de School. 1970 hett he sien Bachelor of Science-Afslussuss in Mathematik an de University of Chicago, 1972 den Master of Arts in Mathematik un 1974 den Dokter in Physik an de Princeton University maakt. Van 1974 bit 1981 un van 1989 bit 2000 weer he Perfesser an de Princeton University, ünnerbraaken vun en Forschenstätigkeit 1976/77 an dat Institute for Advanced Study ebenfalls in Princeton. Van 1980 bit 1988 weer Wilczek Perfessor an de University of California, Santa Barbara un Liddmaat an dat Kavli Institute for Theoretical Physics. Siet 2000 is he Herman Feshbach-Perfesser för Physik an dat Massachusetts Institute of Technology.

Wat he schafft hett[ännern | Bornkood ännern]

1973, wiels sien Tiet as Promotschoonsstudent in Princeton, hett he tosommen mit David Jonathan Gross de Asymptotisch Freeheit opdeckt, de beseggt, dat dee Starke Wesselwirken tüschen Quarks umso schwaaker is je dichter de bi'nanner sünd. Falls twee Quarks extrem nah tosommen sünd is de Wesselwirken so schwaak, dat se sück meest as free Deelchen verhollen. Disse Theorie (de unafhängig vun Hugh David Politzer formuleert wurr) weer en wichtig Träe to de Entwicklung vun de Quantenchromodynamik.

Utteknungen[ännern | Bornkood ännern]

1982 weer he MacArthur Fellow. 1994 wurr Wilczek mit de Dirac-Medaille (ICTP) uttekent, 2003 mit den Julius-Edgar-Lilienfeld-Prize vun de American Physical Society, un 2004 kreeg he gemeensam mit David Jonathan Gross un Hugh David Politzer den Nobelpries för Physik för dat Opdecken vun de asymptotisch Freeheit in de Theorie vun de Starke Wecsselwirken. 2005 kreeg he dorto noch den König-Faisal-Pries.

Böker[ännern | Bornkood ännern]

  • Frank Wilczek: Lightness of being : mass, ether, and the unification of forces - New York : Basic books, 2008. - ISBN 978-0-4650-0321-1
  • Frank Wilczek: Fantastic realities : 49 mind journeys and a trip to Stockholm; with a contrib. from Betsy Devine. - Singapore : World Scientific, 2006 - ISBN 981-256-649-X
  • Frank Wilczek and Betsy Devine: Longing for the harmonies: themes and variations from modern physics - New York Norton 1988 - ISBN 0-393-02482-2

Weblenken[ännern | Bornkood ännern]

Commons-logo.svg Frank Wilczek. Mehr Biller, Videos oder Audiodateien to’t Thema gifft dat bi Wikimedia Commons.