Hugh David Politzer

Vun Wikipedia
Wesseln na: Navigatschoon, Söök

Hugh David Politzer (* 31. August 1949 in New York) is en US-amerikaansch Physiker un Dräger vun den Nobelpries för Physik 2004.

Politzer hett sien Afsluss vun de Bronx High School of Science 1966 makt un dornah an de University of Michigan studeert. Dor hett he 1969 sien Bachelor-Afsluss maakt un 1974 bi Sidney Richard Coleman an de Harvard University sien Doktertitel. Ansluutend gung he an dat California Institute of Technology (Caltech) in Pasadena, wo he to Tiet Perfesseer för Theoretisch Physik is.

In sien eersten verapenlicht Arbeit ut dat Johr 1973, hett Politzer dat Phänomen vun de Asymptotisch Freeheit beschreven, de dor seggt, dat dee Starke Wesselwirken tüschen Quarks umso schwaaker is je dichter de bi'nanner sünd. Falls twee Quarks extrem nah tosommen sünd is de Wesselwirken so schwaak, dat se sück meest as free Deelchen verhollen. Disse Theorie (de unafhängig vun Frank Anthony Wilczek un David Jonathan Gross formuleert wurr) weer en wichtig Träe to de Entwicklung vun de Quantenchromodynamik. 1974 hett he mit Thomas Appelquist dat Charmonium vörutseggt.

2004 kreeg Politzer gemeensam mit David Jonathan Gross un Frank Anthony Wilczek den Nobelpries för Physik för dat Opdecken vun de asymptotisch Freeheit in de Theorie vun de Starken Wesselwirken.

Politzer is in en Nebenrull as de Physiker Robert Serber in den Film Fat Man and Little Boy (mit Paul Newman) uptreden, de dat Manhattan-Projekt un de Entwicklung vun de Atombomb to'n Thema hett.

Weblenken[ännern | Bornkood ännern]