Eva Van Der Gucht
Eva Van Der Gucht (* 1. September 1977 in Mortsel, Belgien) is en fläämsche Schauspelersche.
Bekannt worrn is Van Der Gucht dör den Film Ierdeen beroemd!, en den se en Hööftrull speelt hett. De Film weer 2001 för den Oscar as Beste frömdsprakige Film nomineert. Wietere Filmrullen harr se in de nedderlännschen Filmen AmnesiA un Costa in de Sneeuw. In’t nedderlännsche Feernsehn weer se ü.a. in dat Satireprogramm Kopspijkers to sehn, woneem se Hanna Tokkie namaakt hett.
2005 Speel Van Der Gucht de Dochter vun den nedderlännschen Komiker Paul de Leeuw in de Feernsehreeg SMSmee’s Poessie un weer 2006 Deel vun dat Team, dat an’n nedderlännschen apentlichen Rundfunksenner BNN dat Programm Kannibalen maakt hett. Dat Johr dorop weer se bi de sövten Staffel vun’t Programm Wie is... de Mol? vun den Senner AVRO dorbi.
Filmografie (Utwahl) [ännern]
| Johr | Titel | Synchroonsnacker |
|---|---|---|
| 2000 | Iedereen beroemd! dt.:Jeder ist ein Star |
|
| 2001 | AmnesiA | |
| 2002 | Vlees | |
| 2002 | De vloer op, Feernsehreeg | |
| 2002 | Ware liefde, Feernsehreeg | |
| 2004 | Costa in de Sneeuw int.:Snowfever |
|
| 2005 | Knetter dt.:Übergeschnappt |
|
| 2007 | HannaHannaH, Feernsehn | |
| 2008 | Dag in dag uit, Feernsehn | |
| 2008-10 | S1ngle, Feernsehreeg | |
| 2010 | Dik Trom |
Utteken [ännern]
Eva Van Der Gucht is in’t Johr 2001 as Nee Talent op dat Festróia – Festival Internacional de Cinema de Tróia mit den „Pries vun de Stadt Seixal“ uttekent worrn. För ehr Rull in Iedereen beroemd! weer se 2000 bito as Beste belgische Schauspelerin för den belgischen Joseph-Plateau-Filmprijs vörslahn.
