Epizentrum

Vun Wikipedia

Dat Epizentrum (gr.: epi „op, över“) is de geograafsch Positschoon vun en Eerdbeven.

Dat Epizentrum liggt pielliek över dat Hypozentrum, wat den egentlichen Eerdbevenherd betekent un stellt somit de Projekschoon vun’n Eerdbevenoort op de Eerdbavenflach dor. De Afstand twüschen Hypo- un Epizentrum warrt ok as Herddeep betekent.

Wenn in de Narichten vun Eerdbeven snackt warrt, warrt tomeist blots dat Epizentrum angeven, wat den tomeist op Landkorten wiest warrt. De Schadenswirken vun en Eerdbeven is in de Nöög vun’t Epizentrum normalerwies an’n gröttsten, hangt aver in’n Enkelten ok vun de Geologie vun’t Rebeet af as ok vun de Herddeep un de Afstrahlcharakteristik vun’n Eerdbevenherd.