Dietrich Thurau

Vun Wikipedia
Wesseln na: Navigatschoon, Söök

Dietrich Thurau (* 9. November 1954 in Frankfort an’n Main) is en ehmalger düütsch Radrennfohrer.

Dietrich Thurau bi de Düütschland Tour 2006 in Bad Krozingen.

Karriere[ännern | Bornkood ännern]

Thurau gull an in jung Johren as en vun de gröttsten westdüütschen Talente in’ Radsport. 1974 wunn he in de so nömmt „Kilian-Veerer“ bi de Bahnradweltmeesterschapen in de 4000m-Mannschapsverfolgung de Goldmedaille. In dat sülvig Johr is he denn aber ok Profi wurrn.

As Jungprofi harr de Didi nömmt Dietrich Thurau eenig Erfolge uptowiesen; so weer he ok twee Mal düütsch Straatenmeester wurrn. Ganz groot rut keem he aber 1977 bi de Tour de France, as he den Prolog winnen kunn. Dornah hett he 15 Daag dat Geel Trikot dragen kunnt (sogor över de Bargetappen in de Pyrenäen). Eerst in de Alpen nah dat Bargtietfohren bi de 15. Deelstreck vun Morzine nah Avoriaz muss Thurau da Führungstrikot an den lateren Winner Bernard Thévenet afgeven. 5 Etappen harr he bi disse Tour de France wunnen, in de Samtwertung keem he up Platz 5 un kreeg todem dat Witt Trikot as best Jungprofi.

1977 bleev dat beste Johr in de Karriere vun Thurau, he wurr todem noch in Venezuela bi de Weltmeesterschap Viezweltmeester achter de Italiener Francesco Moser. In de Folgejohren kunn he aber nie mehr an sien Leistungen ut 1977 rankommen. He wunn noch de Klassikers Lüttich-Bastogne-Lüttich (1979) un de Meesterschop vun Zürich (1978). Bi de Tour de France 1979 kunn he nochmal en Deelstreck winnen un keem in de Samtwertung up Platz 10. Bi de Weltmeesterschap in dat glieker Johr in Valkenburg wurr he weer Viezweltmeester achter Jan Raas.

He hett denn noch dreemal an de Tour de France in de 80er Johren deelnommen, he is aber tweemal nich in’t Ziel kommen un 1985 wurr he disqualifizeert, as he en Rennkommissar verkloppt hett.

De wirklich groot Loopbahn hett Thurau denn doch nich schafft un man hett hüm vörsmeeten, dat he sien Talent nich utreizt hett. He is aber ok lever de lukrativ Söss-Daag-Rennen in’ Winter fohren, anstatt sück för de Stratensaison to verhalen.

Sien Söhn Björn is intüschen ok Radprofi wurrn.

Doping[ännern | Bornkood ännern]

Sünners in de latere Johren vun sien Loopbahn as Radprofi full Thurau immer fakener dör Doping up. 1980 wurr he nah dree positiv Proven in een Saison vun de Tour de France utslooten. 1987 passeer dat nah en positiv Dopingproov nochmal. Nah dat Enn’ vun sien Loopbahn hett he ingestahn, regelmatig Middel innahmen to hebben, de sien Leistung verbetern schülln.

Weblenken[ännern | Bornkood ännern]