Bernard Thévenet

Vun Wikipedia
Wesseln na: Navigatschoon, Söök
Thévenet bi de Söss-Daag vun Grenoble 2011

Bernard Thévenet (* 10. Januar 1948 in Saint-Julien de Civry) is en ehmalger franzöösch Radrennfohrer.

Thévenet wurr Midden vun de 1970er Johren to’n franzööschen Radsportler Nummer 1. In dat Johr 1973 belegg he bi de Tour de France den tweeten Platz achter Luis Ocaña Pernia, 1974 full he bi de Tour wegen Krankheit ut. Berühmt is Thévenet för sien Angreep up Eddy Merckx an’ Col d’Izoard bi de Tour de France 1975. Merckx, de to dissen Tietpunkt mir Rüggproblemen un den Folgen vun en Fuustslagg vun en Fan to kämpen harr, hett dorgegen ankämpt, verlor aber de Führung an Thévenet un kunn de ok dornah nich torüch halen. Thévenet wunn de Tour un dormit weer de Vörherrschap vun Merckx, de in de Johren 1969-74 insgesamt fiev Mal wunne harr, to Enn’. Thévenet kunn 1977 sien Spood bi der Tour de France wedderhalen.

Neben völ lüttgere Rennen wunn Thévenet ünner annern ok de Tour de Romandie 1972, de Katalonien-Rundfohrt 1974, de Tour du Haut-Var 1977 as ok de Dauphiné Libéré in de Johren 1976 un 1977. 1975 wurr he vun de Sportzeitung L’Équipe to’n Sportler vun dat Johr vun Frankriek wählt. 1981 hett Thévenet sien aktiv Radsportkarriere afslooten.

Thévenet wurr 1977 bi Paris–Nizza positiv up Doping test. In’ folgen Winter muss he wegen en Leverlieden, de sien Uptreden den Langtietgebruuk vun Steroiden toschreven wurr, in’t Krankenhuus inleefert wurrn. Thévenet hett later apenlich bekannt maakt, över en Tietruum vun dree Johren mit Cortison dopt to hemm. [1]

Hüüd führt Thévenet en Firma, de Sportkleedasch verdrifft.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. 1950 - 1980, Anabolika und Glukosteroide halten Einzug. www.cycling4fans.de