Düütschen Kaiser

Vun Wikipedia
Wesseln na: Navigatschoon, Söök
Willem I.
Frederik III.
Willem II.

Düütschen Kaiser weer de offizielle Titel vun dat Staatshööft vun dat Düütsche Riek vun 1871 bit 1918. De dree Mannslüde, de düssen Titel kregen hefft, sünd de Könige vun Preußen ween. Dat weern Kaiser Willem I., Frederik III. un Willem II.. De Titel Düütschen Kaiser weer utlehnt vun de Herrschers vun dat Hillge Röömsche Riek, dat 1806 unnergahn weer. De ehren offiziellen Titel weer Röömschen König oder Röömschen Kaiser ween.

Nadem de süüddüütschen Länner in Tosamenhang mit den Düütsch-Franzööschen Krieg 1871 Liddmaten vun den Noorddüütschen Bund wurrn weern, hett düsse Bund den neen Naam Düütsch Riek kregen. Togliek is in den Artikel 11 vun Bismarck sien Rieksverfaten fastleggt wurrn, dat Bundspräsidium (dat Amt vun den Vörsitter in'n Bund), stunn vun nu af an den König vun Preußen to, vunwegen dat he de mächtigste mank de Försten in den Bund weer. Düt Amt scholl em unner den Naam Düütschen Kaiser tostahn.

Den Düütschen Kaiser sien groot Wapen 1871-1918